146 MELEVITAN A

gerunt pro bonis ven. Lampadum, altarium, sodalitatum in collegiata Ecclesia erectarum, quin unquam Capitulum sese opposuerit.

Ad argumentum magis urgendum Patronus profert no- tulam electionum peractarum ab Episcopis pro tempore pro administratione bonorum dependentium a dicta collegiata usque ad annum 1889 in qua legitur « attenta renunciatione R. D. Can. Ignatii Micaleff ab officio procuratoris sodalitatis SS. Sacramenti, erectae in parochiali Eccl. et collegiata Bir- chircara, archiepiscopus Episcopus deputavit Ioannem Far- rugia actuarium magnae Curiae etc. ».

Dein affert alterum documentum ex actis visitationis anni 1646, quo probatur Capitulum habere ius eligendi pro- curatores pro administratione bonorum mensae capitularis cum dependentia tamen ab Episcopo pro tempore.

Deinde Orator ex ipsa confessione adversariorum opinatur suam intentionem firmare. Nam archipresbyter et Canonici collegiatae Birchircarae supplices dederunt preces Vicario Capitulari Melevitano, ut in revisione computuum, quos exhi- bent procuratores lampadum, altarium et sodalitatum, in Eccl. collegiata erectarum ad evitandas expensas, adhibeantur deputati et archipresbyter. Et Ordinarius tunc temporis re- scripsit, fiat, prout petitur ad nostrum beneplacitum.

Quod procuratores Eccl. collegiatae, semper dependerint a moderatore dioecesis Melevitanae, probare intendit Advo- catus ex aliis supplicibus libellis recentis aetatis. Iamvero Praepositus parochus Birchircarae anno 1843 supplices dat preces antistiti Milevitano ut dignaretur facultatem conce- dere , donaria vendendi, ad effectum pretium erogandi in acquisitionem peristromatum (tappezzerie). Quae preces ite- ratas pluries fuere atque exhibita fuit notula donariorum a viro perito quare Episcopus rescripsit fiat iuxta relata.

Si vero, ait Orator, per absurdam hypothesim enunciatae collegiatae concederetur nominatio et electio procuratorum, actum esset de bonis ad Ecclesiam spectantibus in Milevi- tana dioecesi.