Acta Pii Pp. XII 147

mensis, Dominica post Pentecostem octava, apud Nos convocatis quos supra memoravimus Carolo Cardinale Salotti, Alfonso Carinci et Sal­ vatore Natucci, divino Missae Sacrinolo antea celebrato, hanc tulimus sententiam. TUTO procedi posse ad sollemnem B. Mariae a S. Euphrasia Pelletier, Virginis, Canonizationem.

Ut vero sapientissimis in tanti momenti re a Praedecessoribus Nostris constitutus ordo servaretur, primum venerabiles Fratres Nostros S. R. E. Cardinales die undecima mensis Decembris eodem anno in Consistorio secreto apud Nos coëgimus, in quo praefatus Cardinalis Salotti brevem habuit sermonem de vita, virtutibus et miraculis tum B. Mariae a S. Eu­ phrasia Pelletier, tum B.. Gemmae Galgani, virginis saecularis Lucensis, atque acta universa recensuit ad earumdem Canonizationis Causam per­ tinentia. Qua relatione expleta, singuli qui aderant Patres Cardinales, a Nobis rogati, sua suffragia tulerunt. Deinde septima die proxime prae­ teriti Martii mensis Consistorium publicum celebravimus, et in eo dilecti Filii Consistorialis Aulae Advocati Augustus Milani de B. Maria a S. Euphrasia Pelletier, et Aloysius Philippus Re de B. Gemma Galgani disertam habuerunt orationem atque a Nobis postularunt ut Beatis ipsis Sanctorum coronam imponere dignaremur. Quibus precibus respondi- mus id et Nos vehementer exoptare ; sed, antiquarum Apostolicae Sedis consuetudinum custodes religiosissimi, de gravissima hac Causa ante decernere nolle, quam in Consistorio semipublico, quod vocant, tum Patres Cardinales iterum, tum Sacrorum Antistites, re diligenter cognita, suam possent Nobis mentem aperire. Mandavimus itaque singulis An­ tistitibus illis de Beatarum illarum vita, virtutibus et miraculis atque de actis in earum Causis legitimos mitti commentarios. Omnes denique admonuimus ut interim Spiritus Sancti lumen, precibus adhibitis, menti Nostrae pientissime conciliarent.

Diem vero quartam insequentis mensis Aprilis ad Consistorium illud celebrandum praefiximus. Qua die Patres Cardinales et Sacrorum An­ tistites, qui in Urbe aderant, apud Nos congregatos breviter prius allo- cuti, quid de propositis Causis sentirent, Nobisque singillatim significare vellent ab illis exquisivimus. Cum autem idem omnes sentire professi sint, Beatas nempe illas Sanctorum diademate sine mora decorandas esse, Nos nihil amplius cunctandum duximus ut ad earum Canoniza­ tionem deveniremus.

Quam in Vaticana Basilica celebrandam die statuimus secunda pro­ ximi Maii mensis in festo, scilicet, Ascensionis D. N. I. C. Universos autem adhortati sumus ut ferventes non intermitterent preces, ne Nobis in tam gravi Nostri muneris parte Spiritus Sancti luminis gratia deesset.