143. De s. Arnulplio Villariensj.

Ad Vesp. Noct. et Laud.

1. Gaude, mater ecclesia,
Pro Arnulphi praesentia,
Cujus sacra solemnia
Celebrentur cum gloria.

2. Qui in Bruxella genitus
Fertur de mediocribus
Fuisse et fidelibus
Ac honestis parentibus.

3. Hic in juventutis flore
Perfusus coelesti rore
Declinavit ab errore
Mundi pro Dei amore.

4. In vicesimo secundo
Hic aetatis suae anno
Junctus fratrum collegio
Fuit Villari optimo.

5. In suae conversionis
Anno primo ditissimis
Ligavit se tirunculus
Christi tribus funiculis.

6. Corpus suum pro Domino,
Crura pedesque satino
Domavit cum cilicio
Gontinue asperrimo.

7. Percussitque cum ferula
Carnem suam dirissima,
Ad quam erat conglobata
Ericii pellicula.

8. Rusco quoque se et virgis
Magnis caedebat ictibus
Et volutavit in spinis
Semet ipsum cum urticis.

9. Catenis etiam tribus

Cinxit carnem sub vestibus
Loricaque sub pellibus
Ericiorum erat usus.
10. Nunc ergo sit altissimus
Deus ac benignissimus
In sui servi actibus
Per omnia benedictus.

11. Sit laus patri cum filio,
Sancto simul paraclito,
Nobisque donet filius
Gratiam sancti spiritus.