144. De Beata Maria V.

1 a. Veni, sancta Maria,
Mitte nobis varia
Gratiae donaria.

1b. Veni, mater pauperum,
Veni, datrix munerum,
Veni, caeli gaudium.

2 a. Consolatrix optima,
Stella lucidissima,
Rosa fragrantissima ;

2 b. Lapsis es auxilium,
Tentatis refugium,
Flentibus solacium.

3 a. Mater beatissima,
Regina dulcissima,
Esto nobis intima.

3 b. Sine tua gratia
Sumus in miseria,
Iuva nos, virgo pia.

4 a. Impetrato septena
Spiritus sancti dona,
Deleri fac crimina.

4b. Flecte corda rigida,
Confoveto frigida,
Sana, quae sunt languida.

5 a. Da tuis fidelibus
Tibi servientibus
Locum in caelestibus;

5 b. Ostende vultum pium,
Post mortem propitium
Redde nobis filium.