sig. II.

Ad objecta etiam de singulis sacramentis per ordinem respondentes concedimus eam omnium sacramentorum gratias vel in seipsis vel in aequipollenti suscepisse excellenter.

Suscepit igitur baptismum, et per baptismum characteris impressionem,

virtutum exercitationem, meritorum augmentationem. Quare autem non agatur festum ejus baptismi, sicut purificationis, una ratio esse potest : quia baptismus ejus celebratus fuit in secreto, oblatio autem post purificationem in manifesto. Alia est ratio quare baptismi festum non celebratur : quia baptismus per se et principaliter datus est in medicinam peccatorum. Nec obstat, quod Ecclesia baptismum Domini solemnizet: quia sua baptixatio nostri baptismi fuit consecratio, nostra autem ad gratiam et gloriam regeneratio : beatissima autem Virgo ad baptismum accedens ficta non luit : quia eo quod habere debuit, non caruit, sed abundavit peccati detestatione et fidei perfectione, quae requiruntur in accedente. Alia de baptisimo objecta, soluta sunt per praedicta.

Similiter eodem modo dicendum est de sacramento confirmationis, in quo recepit alterius characteris impressionem, ampliorem meritorum augmentationem, perfectiorem virtutum exercitationem et declarationem.

De sacramento altaris recepit Dominicae passionis rememorationem, devotionis actualis exercitationem, contra corporalem Filii absentiam consolationem.

De sacramento vero paenitentiae recepit gratiam in excellentia aequipollenti. Pro contritione innocentiae conversationem, pro confessione gratiarum actionem, pro satisfactione supererogationem.

Item, Triplex est confessio, scilicet accusatio peccatorum, recognitio incongruitatis vel ingratitudinis beneficiorum, et confessio insuffcientiae meritorum, et haec fuit proprie confessio beatissimae Virginis qua confitebatur Deo, quod tantam gratiam suscepit, quod numquam de condigno meruit, vel quam omnis creatura mereri potuit, licet ipsa de congruo meruerit. Haec et similia confessa

fuit beata Virgo beato Joanni Evangelistae suo proprio confessori.

Item, In extrema unctione recepit completae victoriae praeteritae et plenae gloriae futurae significationem, et loco remissionis venialium, totius doloris mortis remissionem, pro infirmitatis alleviatione, totius corporis glorificationem. Et licet hoc sacramentum potuisset non recipere beata Virgo exempta per privilegium, quod confert Dominus his quos sine infirmitate et mortis dolore dignatus fuerit evocare : qui, ut videtur, non tenentur ad extremam unctionem cum oleo ad infirmos introducto pro infirmitatibus institutam, videtur tamen verisimile esse, quod beatissima Virgo isti privilegio pro se introducto propter humilitatem abrenuntiaverit, sicut et alia sua privilegia dum viveret occultavit : et quod sacramentum illud pro peccatoribus institutum humiliter suscepit, ut humilitatem quam per totam vitam tenuerat, egressura consummaret : et dum in extremo vitae articulo ad conformitatem peccatorum descenderet, Domino illam exaltante, choros omnes transcenderet Angelorum. In sacramento matrimonii triplex habuit bonum beata Virgo. Unde Augustinus : " Omne nuptiarum bonum impletum est in parentibus Christi, fides, proles, sacramentum .)) Prolem cognoscimus, ipsum Dominum : fidem, quia nullum adulterium : sacramentum, quia nullum divortium. Habuit autem excellentius istam gratiam beatissima Virgo : quia conjugia sunt sanctiora pari voto continentium , Unde Augustinus : " Imo vero tanto sanctius conjuges manebatis, quanto sanctiora concorditer placita servabatis . "

Solum sacramentum Ordinis beatissima Virgo non recepit : hoc autem secundum exteriorem hominum reputationem quamdam profert dignitatem, interius autem secundum veritatem humilem per- tinet ad servitutem. Unde per oppositum statui beatissimae Virginis opponebatur, quae interius summam coram Deo habuit dignitatem, exterius summam coram hominibus habuit humilitatem. Et ita hoc sacramentum non recepit beata Virgo. Primo, ut dictum est, propter status sui contrarietatem. Secundo, propter humilem aliarum mulierum conformitatem, quae ab hoc sacramento excluduntur, videlicet propter sexus indignitatem, majorem peccandi fragilitatem, et propter eam, quae ex his sequitur, regiminis incongruitatem. Tertio, ad significandum status sui elevationem : omnes enim Ecclesiae dignitates sunt introductae ad servitium in salutem fidelium animarum : unde Dominus in Evangelio : Principes gentium dominantur eorum... Non ita erit inter vos : sed quicumque voluerit inter vos major fieri , etc. Unde et omnes pastores nominantur. Unde Bernardus : " Non est quod blandiatur celsitudo, ubi sollicitudo major : illa discrimen intendit, haec amicum probat . " Et infra : " Ad quid omnimodis attendendum : non enim ad dominandum opinor : nam et Propheta cum similiter levaretur, audivit: Ut evellas et destruas, et disperdas et dissipes, ei aedifices et plantes'' . Quid horum fastum sonat? Rusticani magis sudoris schemate quodam, labor spiritualis expressus est. Et nos igitur ut multum sentiamus de nobis, vel nobis impositum senserimus ministerium, non dominium datum , " Infra : " Disce exemplo prophetico praesidere non tam ad imperitandum quam ad. factitandum quod tempus requirit. Disce sarculo tibi opus esse non sceptro, ut opus facias Propheta ,. Et quidem ille non regnaturus ascendit, sed exstirpaturus. Antecessores tui Apostoli audierunt, quia messis qui-

dem multa, operarii vero pauci. Paternam tibi vindicato haereditatem. Nam si filius, et haeres. Ut probes haeredem, evigila ad curam, et non otio torpeas, ne et tibi dicatur : Quid hic stas tota die otiosus ? Multo minus inveniri oportet, aut deliciis resolutum, aut resupinum pompis. Nihil horum tibi tabulae testatoris assignant. Sed quid ? Si illarum tenore contentus sis, curam potius haereditabis et operam, quam gloriam et divitias. Blanditur cathedra? Specula est. Inde denique superintendis, sonans tibi Episcopi nomine non dominium, sed officium. Quidni loceris in eminenti, unde prospectes omnia, qui speculator super omnia constitueris ? Enimvero prospectus iste productum parit, non otium. Q nando libet gloriari, ubi otiari non licet ? Nec locus est otio, ubi sedula urget sollicitudo omnium Ecclesiarum. Nam quid tibi aliud dimisit sanctus Apostolus? Quod habeo, inquit, hoc tibi do . Quid illud? Unum scio, non est aurum neque argentum, cum ipse dicat: Argentum et aurum non est mihi, " Et infra : " Neque ille tibi dare quod non habuit, potuit. Quod habuit, hoc dedit, sollicitudinem super Ecclesias. Nunquid dominationem ? Audi ipsum :. Non dominantes, ait, in cleris, sed forma facti sig. regis . " Ex his et similibus patet, quod dignitates Ecclesiae introductae sunt in servitium et ministerium. Beatissima autem Virgo assumpta est in salutis auxilium, et in regni consortium : ipsa enim sola ministris fugientibus compassa fuit. Unde et sola regni consortium obtinuit, quae laboris adjutrix fuit, juxta illud : F acianus ei adjutorium simile sibi'' . Licet autem beatissima Virgo sacramentum ordinis non recepit, quidquid tamen dignitatis vel gratiae in ipsis confertur, de hoc plena fuit. In ipsis autem confertur septiformis gratia : haec autem omnifaria gratia plena fuit.

Item, Sunt in sacramento ordinis potestas spiritualis, dignitas ministerialis, et administratio exsecutionis. Haec autem tria beatissima Virgo habuit in se aequipollenteret excellenter. Ministri Ecclesiae habent dignitatem beneficialem per characterem excellentiae, beatissima autem Virgo habuit coronam regni triumphantis et militantis Ecclesiae : unde summus ministrorum Papa appellatur et est servorum Dei servus, haec est Regina et Domina Angelorum : ille servus servorum Dei, ista Imperatrix totius mundi.

Item, In ministris est potestas spiritualis et temporalis a Deo, vel subdelegata, vel vicaria : in ipsa est plenitudo potestatis caelestis perpetua ex auctoritate ordinaria .

Item, In ministris est exsecutio ligandi ac solvendi per usum clavium : in ipsa est legitima dominandi potestas ad ligandum et solvendum per imperium. Et sic quidquid est dignitatis et gratiae in ordinibus, constat beatae Virgini minime defuisse.

Sedne videatur virtutes sive dignitates generales tantum habuisse et specialibus caruisse, dicimus ipsam singulorum ordinum dignitates et gratias per aequipollentiam et cum excellentia possedisse.

Habuit autem cum exorcistis daemonum expulsionem. Unde, Genes. III, 15 : Ipsa conteret caput tuum. Et Judith Holofernem interfecit, et Esther vicit Aman.

Cum ostiariis habuit introductionem mundorum et exclusionem immundorum. Unde, Ezechiel. xliv, 2 et 3 : Porta haec clausa erit: non aperietur... : eritque clausa principi. Princeps ipse sedebit in ea Quasi diceret : Porta haec principem et imitatores ejus introducet, et indignis erit clausa.

Habet liam cum acolythis illuminationem. Unde, Cantic. III, 6 : Quae est ista quae ascendit, etc. ? Et illud Numerorum, XXIV, 17 : Orietur stella ex Jacob,

Item, Cum lectoribus omnium Prophetarum expositionem ad litteram in seipsa. Unde, Isa. VII, 14 : Ecce Virgo concipiet, et pariet filium. Et Angelus ad seipsam : Ecce concipies , etc. Doctrix est enim disciplinae Dei.

Habet cum subdiaconis doctrinae Apostolicae ostensionem. Unde significatur per arcam, in qua fuit manna et virga Aaron , id est, divina sapientia.

Habet autem cum diaconis Verbi Domini conservationem, aliis ad describendum narrationem, consiliorum Dei perfectam impletionem. Unde, Luc. II, 19: Maria conservabat omnia verba, etc.

Habet cum sacerdotibus Dominici corporis per seipsam formationem, tractationem, communicationem, hoc est, quod corpus Domini mediante ejus verbo et ejus carnibus et sanguinibus formatum fuit, et ipsum familiarissime, et diutissime tractavit, et in cibum et polum nobis communicavit, et per hoc nos omnes ad jugum sinim suave et onus suum leve charitate ligavit, et ab omnibus culpis et poenis non solum solutos ostendit, sed etiam absolvit, juxta illud : Qui manducat meam carnem , ''etc.

Item, Habet cum Episcopis clericorum ordinationem, praebendarum collationem, templorum consecrationem, sacrarum virginum velationem. Ordinat enim Episcopus sacerdotes per sacramenti collationem : beatissima autem Virgo per continentiae obligationem, juxta illud : Mundamini, qui fertis vasa Domini . Confert etiam Episcopus praebendas instituendo : beatissima autem Virgo praebendas faciendo. Consecrat etiam Episcopus templa corporalia dedicando : beatissima autem Virgo templa spiritualia, castimoniam inspirando, et illam sibi specialiter vindicando. Consecrat etiam Episcopus virgines exterius benedicendo consecrat autem beatissima Virgo virgines interius virtutibus adornando, et eas Filio suo desponsatio, et non tantum virgines, sed et virginitatem consecrando, et opprobrium sterilitatis, eis auferendo, et eas sibi specialiter in filias adoptando, et statum dignissimum exaltando, juxta illud : Incorruptio facit esse proximum Deo .''

Habet convenientiam cum Papa beatissima Virgo, omnium Ecclesiarum sollicitudinem, potestatis spiritualis plenitudinem, privilegiatorum actuum universalitatem. Ecclesiarum sollicitudinem : quia Papa est pater patrum I ipsa autem est mater omnium Christianorum, imo omnium bonorum, juxta illud : Venerunt mihi omnia bona pariter cum, illa... Et ignorabam quoniam horum omnium mater est . ''Potestatis plenitudinem : habet enim Dominus Papa potestatis plenitudinem in vita ista, sed non in coelo, nec in

purgatorio, nec in inferno : totam autem habet beatissima Virgo potestatem in coelo, et in purgatorio, et in interno.

Habet etiam privilegiatorum actuum universalitatem, ut patebit inferius, cum de privilegiis ejus inquiremus.

Et nota, quod cum beatissima Virgo sacramenta peccatoribus instituta humiliter susceperit, non propter hoc se mentiens peccatricem opere, falsum dixit, sed ultra debitum in bonis se peccatoribus conformans, se vere opere esse humilem demonstrans, per omnia verum dixit.

Sic manifestum est, quidquid est dignitatis, vel gratiae, in sacramentis Ecclesiae, plenitudini gratiae quae fuit in beata Virgine, omnino nihil deesse, sed eam hoc totum, vel in gratiis sacramentalibus, vel in earum aequipollentibus, vel excellentibus plenarie possedisse.