145. De Beata Maria V.

1 a. Conditor almus siderum,
Natus ante luciferum,
Mundum salvare cupiens,

1b. Ad huius mundi vesperum
Candoris intrat uterum
Tamquam sponsus egrediens.

2 a. Per prophetas praedicatur,
In figuris demonstratur
Hoc grande mysterium ;

2b. Oraculo Gabrielis
Mariae lato de caelis
Clarum fit indicium.

3 a. Ut de flore vel lilio

Gratus odor emittitur,

3 b. Sic de Mariae gremio

Verbum patris egreditur.

4 a. Gloria fecunditatis
Et honor virginitatis
In Mariae corpore

4 b. Ut candor manet in rosa,
Et albedo speciosa
Monstratur in ebore.