153.

1. Ortum mundo

solem justitiae
Stella clara

declarat hodie ;
Maria, mater pia,

Natum ante saecula
Generavit et lactavit

Sine viri copula.
Sed hic puer nuper natus,
In praesepe collocatus,

Rutilo sub lumine

Vili sordet tegmine.

2. Vagit infans

in cunis Dominus,
Adae dolens

et Evae facinus ;
Dolet mundum in profundum

Vitiorum perditum,
Jugo vili ac servili

Hostis fraude subditum.
Quem ex patris voluntate
Inclinata majestate

Sumpto carnis onere

Descendit redimere.

3. Lumen lucens

patris de lumine,
Christus homo

prodit de virgine,
Sic ingressus et egressus

Per aulam virgineam,
Ut sol splendens nec incendens

Per fenestram vitream,
Cum nec vitrum splendor solis
Neque matrem causa prolis

Violet ingrediens

Nec corrumpat exiens.

4. Ergo, nati

regis familiae,
Hierusalem

et Sion filiae,
Exsultantes et cantantes

Ad praesepe currite,
Novum regem, novam legem

Pariendo cernite ;
R es auditur inaudita,
Virgo mater parit ita,

Ut et prolem habeat

Et virgo permaneat.