Sacra Congregatio Concilii

Quo in ministerio sanctissimo, ad normam canonis 1333 § 1, « parochi

operam adhibeant clericorum, in paroeciae territorio degentium, aut etiam,

si necesse sit, piorum laicorum, potissimum illorum qui in pium sodalitium

doctrinae christianae aliudve simile in paroecia erectum adscripti sunt ». Qui

omnes, sive vocati, sive iussi, Ubenter, imo laetissimo animo, operam suam

adiutricem in rem conferant, ut hilares datores quos diligit Dominus.

Nec vero operi tam salutari, tam Deo grato, tam animarum bono neces-

sario desit, ad normam canonis 1334, religiosorum auxilium, si ab Ordinario

loci sit illud requisitum; iidemque religiosi, vocati, laetentur, imo vocari

se cupiant, ut etiam in hac parte dominici agri, ubi messis multa, operarii

autem pauci, de animarum salute bene mereantur.

Postremo parentes et qui parentum loco sunt, a quibus in re de qua agi-

tur efficax auxilium et praesidium est exspectandum et expetendum, memi-

nerint se ex canone 1113 « gravissima obligatione teneri prolis educationem

tum religiosam et moralem, tum physicam et civilem pro viribus curandi»,

cui quidem obligationi ex canone 1335 satisfacere debent efìiciendo ut liberi

catechetica institutione erudiantur, et ex canone 1372 §2 curando christia-

nam eorumdem educationem.

Haec omnia quae summatim complexi sumus, sunt ea quidem iam nota

atque perspecta, at e mente ne excidat sententia: repetita iuvant, maxime

cum de re agatur, de qua numquam satis.

Quo vero eadem ipsa facilius in toto Orbe terrarum in effectum dedu-

cantur, haec Sacra Congregatio, probante Ssmo D. N. Pio Pp. X I , in omni-

bus dioecesibus exsequenda mandat quae sequuntur:

I. In singulis paroeciis, praeter confraternitatem sanctissimi Sacra-

menti, sodalitium doctrinae christianae, idque ceterorum princeps, ad nor-

mam canonis 711 § 2 instituatur, omnes quot sunt idonei catechismo

edocendo et fovendo complectens, ludimagistros in primis, puerorum eru-

diendorum disciplinam callentes.

I I . Item in singulis paroeciis, ad normam litterarum circularium huius

S. Congregationis ad Ordinarios Italiae diei 23 aprilis 1924, scholae catechi-

sticae paroeciales, si nondum exstent, constituantur, in quibus, parochis

ipsis praesidibus, statuta methodo, pueri adolescentesque divinae legis ac

fidei rudimenta addiscant. Qua in re, ut gravis, quam antea memoravi-

mus, excutiatur desidia parentum existimantium catechismo paroeciali

frequentando liberos suos non teneri, eo quod domi vel in publicis scholis

religiosa institutio tradatur, haec diligenter servanda erunt:

a) ad Sacramenta paenitentiae et confirmationis rite suscipienda

parochi pueros ne admittant, ad praescriptum canonis 1330, qui congruam

institutionem catechisticam non sint assequuti ad normam decreti S. Con-