NOVARIEN. 449

possessio interrumpere tur. Iamvero ad ultimum statum ha- bendum non requiritur quod plures presentationes per im- mémoriale tempus, effectum suum sortitae fuerint; nam quando agitur de Ecclesia iuripatronatus certe subiecta, et praescriptio est tantum contra patronos, sufficit, iuxta Do- ctores, unicus praesentationis actus cum debito tempore Barbosa ad Conc. Trid. sess. 25 cap. 9 de reform, n. 22. Ferraris v. Iuspatronatus art. 1 n. 41. Debitum tempus centum quinquaginta annorum lapsu constitui, nemo est qui neget. Adest enim centenaria et immemorabilis observantia, cuius tanta virtus est ut, nisi contraria probatione elidatur, nullus validior titulus et in materia iurispatronatus allegari possit. De Luca De iurep. summ. n. 51. Qui igitur in quasi possessione iuris praesentandi sunt concludunt nihil esse in- novandum cum, sicuti declaravit S. R. Rota in Mantuana coram Ursino die 3 Iunii 1689 § Altera autem, «obser- vantia sit optima interpres cuiuscumque dispositionis et re- cte quoque declaret, nedum qualitatem iurispatronatus, sed quales etiam personae in eo comprehendantur. »

Hisce ex utraque parte aequa lance libratis, propositum fuit diluendum sequens

Dubium

An et cui in casu danda sit institutio ad Paroeciam S. Mariae de Pombia.

RESOLUTIO. S. C. C. re disceptata sub die 30 Maii 1891, censuit respondere: Institutionem dandam esse praesentato vel praesentanda a successoribus Leandri Boniperti, salvo partium iure agendi in petitorio, coram Curia episcopali super pertinentia patronatus.