146. De Beata Maria V.

1 a. Adest dies, qua firmatur

Spes promissa et monstratur

Caelis admirabilis ;

1b. Olim visa in prophetis

Et contenta in decretis

Patrum et praenuntiis.

2 a. Quae a cunctis collaudatur,

Nam Mariae dedicatur

Dies haec amabilis ;

2b. Quam profunde admirantur

Terra, pontus et rorantur

Ex virtute virginis.

3 a. Hanc lux vera et sophia

Pie formans in hac via,

Lucens ante saecula;

3 b. De qua fatur prophetia,

Praedicatur ab Elia

Parva sub nubecula,

4 a. Et, quae ista sit praelata

Rebus cunctis et ornata

Virgo ineffabilis.

4b. Vere haec est mater grata,

Cui nulla comparata

Exstat in iuvenculis

5 a. Sion ; et haec colliguntur

Plene et reperiuntur

Lncae ex historia,

5 b. Per quam cuncti imbuantur

Credentes et fulciuntur

Matris per miracula.

6 a. Ecce, cuius nuntiatur

Partus, et sanctificatur

Matris clausus utero;

6 b. Nata sancta conversatur

Circa templum et sacratur

Domus Dei filio.

7 a. Sic per Ave salutatur,

Desponsatur, fecundatur

Desuper a spiritu;

7b. Montes scandens agitatur,

Nondum natus gratulatur

In Mariae aditu.

8 a. Deum parit homo, nata

Patrem verum, haec beata

Ullo absque vitio

8 b. Auro murra et probata,

Ture claro venerata

Fidei initio.

9 a. Regemservanstemplum vadit

Et Aegyptum, ubi cadit

Idolorum scaria;

9b. Redit, nato mox orbatur,

Nuptialis consolatur

Sua de clementia.

10 a. Iesu astat crucifixo,

Ense scisso et contixo

Amoris visceribus,

10 b. Et congaudens resurgenti

Filio et ascendenti

Angelis psallentibus.

11a. Sic exspectans repromissum

Spiritum a patre missum

Pavidis cenaculo;

11b. Demum mater astra scandit,

Nostri memor preces pandit

Iesu suo filio.

12 a. Nam sematremscitamborum,

Sic salutem angelorum

Permanet et miserorum,

Pauperum et orphanorum

In mundo uberius,

12 b. Ut et ipsis det laborum

Loculo regnum caelorum,

Et ad sedes electorum

Ducantur et beatorum

Piis suis precibus.