147. De Angelo Custode.

1. Ave, civis aulae Dei,
Cujus adstas faciei,

Pro me precare jugiter ;
Inter astra matutina
Tu in laude stas divina
Hymnizans Deo dulciter.

2. Ave, nobilis factura
Apud Deum, vere pura,

Quo pascere, quo fruere ;
Tu subtilis in natura,
Tu sublimis in figura,
Mecum ubique gradere.

3. Ave, comes praedilecte,
Semper ducens me directe

Tuere ab interitu;
Ave, custos spiritalis,
Me obumhra tuis alis

A peccatorum strepitu.
4. Ave, flos decore nimis,

Flos de summis et de primis

Paradisi floribus ;
Ave, semper salutande,
Amplexande, osculande

Pro bonis tuis omnibus.

5. Ave, vivens margarita,
Mihi lucens in bac vita,

O venerande juvenis ;
Summa prece pro me fusa
Tu cum tuis hoc excusa,

Quod in me foedum invenis.
6. Ave, meum consolamen,
Firmamentum et tutamen

In hoc mortali corpore,
Tu pro statu interpellas,
Pro reatu ne repellas

Aut spernas ullo tempore.

7. Ave, bone mi patrone,
Qui stas pro me in agone,

Ut hostem removeas;
Me post mortem tuo ductu
Ab aeterao raptam luctu,

Precor, ut Deo offeras.