d 50

CUNEEN.

ADIUDICATIONIS REDITUUM

Die 30 Man 1891. Sess. 24 cap. 13 De reform.

COMPENDIUM FACTI. Capitulum S. Mariae vulgo del Bosco civitatis cuneensis, anno 1817 a Summo Pontifice Pio VII fel. rec. ad Cathedralitatis honorem evectum, olim decern- et novem canonicis constituebatur. Ex his tres qui insimul dignitates sunt, paroeciam in civitate obtinent, ex ceteris vero septem laicali iuripatronatus obnoxii erant, reliqui vel iurispatronatus mixti vel liberae collationis. Reditus cano- nicatuum duplici ex proventu derivant, praebendae scilicet et massae communis. Praebendae ab invicem seiunctae unius- cuiusque canonicatus propriae admodum variae etiam nunc recensentur, cum earum maior reditus ad annuas libellas octingentas, minor vero neque ad libellas octoginta pertin- gat. A massa autem communi, detractis pluribus oneribus suppeditantur quotidianae distributiones, quas ad normam S. Tridentinae Synodi divinis interessentes percipiunt. Hu- iusmodi distributiones, si excipias secundam et tertiam di- gnitatem, quae minorem habent partem, aequis portionibus inter canonicos dividi solent, ita ut earum quaelibet, iuxta deducta a Capitulo, summam 350 libellarum olim conficeret.

Promulgata pseudolege civili diei 15 Augusti 1867, qua statuebatur ut canonici ecclesiarum cathedralium duodena- rium numerum non excederent, septem canonicatuum sup- pressio in Capitulo cuneensi facta est. Hos inter praeter sex praebendas iurispatronatus laicalis, adnumeratus fuerat canonicatus Delia Chiesa, mixti iurispatronatus, qui tamen anno 1874, reclamante Capitulo, redintegratus fuit ac loco illius suppressus septimus canonicatus pariter laicalis iuris- patronatus, cui nomen Quaglia. Verum usque dum illi qui suppressas praebendas obtinebant in vivis essent, et modo adhuc tres extant, canonicatus subinde vacantes, tempora-