148. De Angelo Custode.

1. Angele, qui mihi reo
Deputatus es a Deo,
Mei, quaeso, curam geras
Et salutis opem feras.
5. Mei pro defensione
Sume vires a leone,
Qui leonem superavit,
Sua morte mortem stravit,
Ut ad plenum tuearis

10. Me, quem velut undis maris
Intueris fluctuantem.
Dormientem, vigilantem
Me custodi, nec discedas,
Sed virtute Christi caedas

15. Hostes, qui me persequuntur
Meque perdere nituntur.
Mecum, precor, ut perdures
Et clementer hoc procures,
Ut mundatus a peccatis

20. Cunctis hostibus prostratis
Finem adipiscar bonum
Et ad summum vitae donum
Tuum veniam per ductum,
Ut Mariae ventris fructum

25. Tecum valeam videre
Cum electisque gaudere.
Rogo Christi per virtutem,
Meam semper ad salutem
Die, nocte sis paratus,

30. Sis et efficax legatus
Ad supernam regionem ;
Meam fer legationem
Virginali matri Dei,
Petens, ut sit memor mei.

35. Ducat, deprecor, ad mentem
Tam amaram, tam ingentem
Passionem suae prolis,
In qua gladius doloris
Cor maternum penetravit,

40. Dum eundem, quem lactavit,
Cerneret in cruce mori,
Cujus noD est par dolori.
Sui cordis per dolorem,
Sui nati per cruorem

45. Cunctis me peccatis mundet
Ac virtutibus fecundet,
Spiritaliter informet
Et saluti me reformet.

Eja, deam placa dictam,
50. Inter deas benedictam,
Ut me dulcis et amoena
Ab aeterna salvat poena,
Ut in morte me defendat,
Ne me daemon apprehendat,
55. Ne me tangant infernales
Nec exterreant larvales
Facies daemoniorum.

Sed per manus angelorumus,
Illa transferat ad pacem,

60. Ubi cum electis vacem
Semper laudibus divinis,
Quibus nullus restat finis.
Pater praestet haec et nat
Sacer utriusque flatus,

65. Trinus unus, qui cunctorum
Dominator saeculorum.