151

VERSALIEN, SEU PARISIEN.

NULLITATIS MATRIMONII

Die 25 Maii 190i. S e s s . 24 Cap. 1 de refi m a t r .

C OMPENDIUM FACTI. Magdalena puella venustate ac con- spicuo censu ornata, iam ab infantia patre orbata, vix 19 aetatis annum attigerat, quum die 2 Iunii 1892 Versaliae in Ecclesia S. Aloysii matrimoniali foedere iuxta tridenti- nas leges Andreae, 22 annos nato, iuncta est.

Hae nuptiae, a sponsae matre quamplurimum optatae, haud felices successerunt ; siquidem videtur Magdalena An- dreae nupsisse gravi metu compulsa. Sane, si vera sunt quae modo narrantur, puella, cui viri adspectus maxime displicebat, huic matrimonio totis viribus obstitit ; sed ma- ter, propositi tenax, putans hisce nuptiis felicitati filiae consulere, ut invitum animum filiae necteret, omnia adhi- buit media, saevitias, minas detrusionis in monasterium et exheredationis ; imo, si fides adhibenda sit, etiam metu mortis reluctantem puellam perterruit. Ideoque Magdalena, ut ipsa refert, persentiens se amplius matris voluntati ob- sistere non valere, cessit quidem sed omnino invita.

Tunc nuptiae illico statutae fuerunt et quam primum celebratae. Inito matrimonio, sponsi una simul vixerunt et nuptiale iter peragentes non sine aliqua mulieris repugnan- tia matrimonium consummarunt ; sed sponsis in patriam re- versis, sive ob mulieris erga maritum aversionem, vel ob eiusdem difficile ingenium, id certum tamen videtur quod coniugalis vita haud pacifica fuerit. Quare, nondum exactis quatuor mensibus ab initis nuptiis, crescentibus in dies do- mesticis discordiis, vir coniugalem domum dereliquit et sen- tentiam civilis divortii obtinuit, quae autem, per reconven- tionem mulieris in eiusdem favorem lata fuit.

Interim, duobus transactis annis a dissociato contuber- nio, mense nempe decembri an. 1894 Magdalena ad Curiam Versalien, supplicem misit libellum, exoptans ut suum ma-