147. De sancto Augustino.
Ad Laudes.

1. Gaudeat omnis turba populorum,
Unde et gaudet chorus angelorum;
Unde lactantur agmina sanctorum,
Nos jubilemus.

2. Hunc diem sacrum, summa laude dignum,
Mente devota cuncti venerantes
Et recolamus Dominum laudantes
Nunc et in aevum.

3. In quo electus Domini dilectus,
Christi confessor, pius intercessor,
Est elevatus et ad summa latus
Regna polorum.
4. Hujus obtentu vitia remitte,
Vincula nostra pietate solve,
Pelle languores, morbos et dolores,
Dilue sordes.
f). Qui multa mira pietate fua
Nobis ostendit pia prece sua,
Quae operaris, unde et laudaris,
Christe benigne.
6. Te, Augustine, populi precantur
Teque conlaudant atque venerantur,
Ut tua prece vincula solvantur
Mentis amentis.
7. O venerande doctor Augustine,
Vota tuorum audi famulorum,
Ut microcosmis climata per orbis
Precibus adsis.
8. Gloriam patri semper referamus,
Gloriam nato pneumatique sancto.
Cujus amore flagrat in ardore
Plebs tua semper.