148. De Beata Maria V.
In festo Conceptionis.

1 a. Felix mater ecclesia,
Matris Dei sollemnia
Suscipe cum gaudio,

1 b. Quorum causa singularis
Est beatae virginalis
Mariae conceptio.

2 a. A Deo praeordinata,
Ab angelo nuntiata,
Futura mater Dei

2 b. Concipitur, non concepit
[Labem] et ex hoc incepit
Patrem nostrae fidei.

3 a. Concipitur feliciter,
Concepit mirabiliter
Non suscepto semine.

3 b. Vere felix conceptio,
Trinitatis consilio
Inventa pro homine!

4 a. Cuius festi memoria
Non fuit in ecclesia ;
Ipsum [festum] colere

4 b. Colendumque praedicare
Sunt coacti passi mare
Vitae dato munere.

5 a. Sic nos, virgo, in profundis
Huius mundi maris undis
Fluctuantes visita

5 b. Et a culpis nos solutos
Tuis [tua] prece tutos
Laudibus habilita.