154. De Beata Maria V.

1. Deus admirabilis,

Solus immortalis,
Filius spectabilis,

Patri coaequalis,
O inenarrabilis,

Spiritus aequalis,
Trium manens stabilis

Norma socialis.

2. Sempiterna trinitas,

Ens in unitate,
Trinitatis unitas

Pari maiestate,
Perseverans deitas

In aequalitate,
Conformis aequalitas

Una deitate.

3. Eius influentia

Vivimus et donis,
Angelis potentia

Praesidet et thronis,
Nulla differentia

Dominationis,
Unus in essentia

Trinus in personis.

4. Frustra modus quaeritur

Generationis,
Nam quaerens obruitur

Vigor rationis,
Sola fides fungitur

Vi probationis,
Haec et prima ponitur

Pars orationis.

5. O praedestinatio

Profluens abunde!
Deus in?palatio

Virginis fecundae
Incarnatur, ratio

Nescitur et unde
Prolis sit donatio

Genetrici mundae.

6. Sola scit mysterium

Incarnationis,
Sola refrigerium

Consolationis,
Sola puerperium

Generationis,
Cuius est imperium

Dominationis.

7. Mater est et dicitur

Virgo prolis purae,
Creator transgreditur

Legem creaturae,
Vincitur, non laeditur

Prima lex naturae,
Auctori conceditur

Uti plus quam iure.

8. Quam felix fecunditas

Virginis praesentis,
Quam perpes integritas

Matris parientis,
Quam mera simplicitas

Angelo credentis,
Quam regit humilitas

Incorruptae mentis!

9. Cellula vinaria,

Rosa sine spina,
Evae tu contraria,

Per te lex divina,
Virtus multifaria,

Virginum regina,
Stella marinaria

Luxque matutina.

10. Praeclusisti devium,

Virgo singularis,
Concepisti praemium

Vitae spiritalis,
Ducem vitae praevium,

Aula virginalis,
Contra mortis taedium

Virgula vernalis.

11. Tu es oris osculum,

Plena caritate,
Mundo dans spectaculum

Cum humanitate,
Solis tabernaculum

Mira claritate,
Dei habitaculum

Salva castitate.

12. Te sanctorum populus

Canit in scripturis,
Nullus vacat loculus

Signis aut figuris,
Es exempli baculus

Novis et futuris,
Tuae laudis titulus

Multis forma iuris.

13. Deus ex te nascitur

Sub humana veste,
De virga flos oritur

Isaia teste,
Vetus homo moritur

Rigida de peste,
Novum genus solvitur

Criminis a reste.

14. Te figurat mystice

Tellus Gedeonis,
Te designat typice

Rubus visionis,
Tu terra verifice

Repromissionis,
Praelata mirifice

Angelis et thronis.

15. Te, mirandam posteris

Textus praedicavit
Testamenti veteris,

Te significavit
Arca vetus foederis,

Urna, quae gestavit
Manna, te prae ceteris

Signis denotavit.

16. Nostrum es sacrarium,

Quos exemplo praeis,
Patens oratorium,

Liber novae legis,
Tu reclinatorium

Mundum summi regis,
Propitiatorium,

Medicina reis.

17. Literarum apices

Tibi famulantur,
Prophetarum ordines

Te vaticinantur,
Te superni iudices

Digne venerantur,
Reges ac pontifices

Per te sublimantur.

18. Verum sed absconditum

Manna tu portasti,
Carne dum reconditum

Deum generasti,
Patribus hoc abditum

Verbum revelasti,
Genus Adae perditum

Sic recuperasti.

19. In te mercimonia

Plena sunt dulcoris,
Perpes castimonia

Nivei decoris,
Patrum sanctimonia

Laudis et honoris
Praebent testimonia

Matri redemptoris.

20. Per te repromissio

Facta consummatur,
Et praevaricatio

Prima relevatur,
Legis excaecatio

Per te declaratur,
Sed et novae datio
Gratiae monstratur.

21. Solamen plangentium,

Spes desolatorum,
Cura delinquentium,

Venia reorum,
Norma te sequentium,

Pausa viatorum,
Vera salus gentium,

Portus naufragorum.

22. Nullus in periculis

Se sentit derelictum,
Sed nec in spectaculis

Mundi se relictum,
Precibus qui sedulis

Cornu gerit fictum,
Orans pro piaculis

Nomen benedictum.

23. Tolle vehementiam

Dirae passionis
Apponendo gratiam

Consolationis,
Moveat clementiam

Vis compassionis,
Mater, fer sententiam

Restitutionis.

24, O Maria, quaernlus

Asto hic peccator,
Tui sancti sedulus

Nominis amator ;
O Iesu, puerulus,

Matris et creator,
Asto tibi credulus,

Meus sis salvator.