150. De Angelo Custode.

1. Ave, dulcis custos meus,

Angele piissime,
Cui me totum dedit Deus

Regi fidelissime,
Ne sim malae mortis reus,

Vivere sanctissime
Fac me semper, rector meus,

Et mori laetissime.

2. In me per te roboretur

Fides, spes et caritas,
In me semper dominetur

Tota sancta trinitas,
In me Christus operetur

Omne, quod est veritas,
In me tandem reveletur

Felix aeternalitas.

3. Sana pectus suspirantis

Gemitu gravissimo,
Educ vota supplicantis

De corde purissimo,
Ut sim gratus majestatis

Jesu clementissimo,
Cujus visu me formantis

Fruar beatissimo.
4. Pastor bone, memor esto,

Ovem tuam pascere,
Illi semper sic adesto,

Ut dum lupus rapere
Temptat eam, tu sis praesto

Mox illam eripere,
Quo praesentes illi festo,

Quod nequit deficere.
5. Ave, frater spiritalis,

Amicorum intime,
Comes, rex et dux vitalis

Corporis et animae,

Esto mihi lux mentalis

Et a culpis exime
Atque me de cunctis malis

Hora mortis redime.
C. Doce linguam praedicare

Verba sapientiae,
Peccatores revocare

Ad datorem gratiae,
Pocnitentes renovare

Ad opus justitiae,
Cunctos hostes debellare

Cum palma victoriae.
7. Pie pater, me digneris

Pio vultu cernere,
In adverso recorderis

Me nunquam deserere,
Et cum erro, ne moreris

Me cito reducere,
Ne depascar ab inferis,

Qui me volunt perdere.