156.

1. Hac in die rege nato
Fraude caeca desolato
Lux illuxit homini
Abrahae et semini.
Quod promisit vox divina,
Procreatur flos de spina
Rore coeli conpluente,
Austro terris influente.
Haec est dies luminis,
Qua beatae virginis
Ediderunt viscera,
Quem jam vetus litera
Praesignarat, Dominum.

2. Gaude, virgo virginum,
Quam fecundat sacer flatus,
Unde puer nobis natus ;
In rosa vernat lilium,
Nec ipse. nodum reserat
Deus, creator omnium,
Persolvens, quod promiserat.
In nascendo rex excedit
Quam naturae legem dedit,
Et fulget in propatulo
De naturae miraculo,
Nec jam adstringit singulis
Naturas Deus regulis.