156. De Beata Maria V.

I.

1. O Maria, mater Dei,
Ad te carnant omnes rei,
Ut [tu] fundas preces ei,
Qui dat regna requiei.

2. Mater summae pietatis,
Mitte preces pro culpatis,
Roga fontem bonitatis,
Ut det regnum baptizatis.

3. Ad te clamo, qui sum reus,
Non te latet dolor meus,
Te precante Christus Deus
Ut sit suffragator meus.

4. Me agnosco vitiorum
Mole carnis otiosum,
Qui me scio criminosum
Et supernis odiosum.

5. Sed tu, virgo laudabilis,
Mater et venerabilis,
Sis mihi supplicabilis,
Te oro lacrimabilis.

6. Te oro flexis genibus
Et cum magnis gemitibus,
Ut me mundes criminibus
Mundis orationibus.

7. Virgo felix, gloriosa,
Apud Christum virtuosa,
Mea membra vitiosa
Purga prece curiosa.

8. Tu, virgo, patrocinium,
Tuum potens auxilium
Praesta mihi, consortium
In conventu fidelium.

9. O regina caelestium,
Exora tuum filium,
Ut det mihi consilium
Et salutis remedium.

10. Maria, lumen virginum,
Nostrorum sordes criminum
Et peccatorum omnium
Exstingue, pacis vinculum.

11. Ut [Christus], tuus filius,
[Me] eruat propitius,
Per preces [tuas citius]
[Mundet] culpis attentius.

12. Ergo precare filium,
Ut mihi sit refugium
Concedatque consortium
In choro caeli cirium.

II.

1. Mundi salus, o Maria,
Per te patet caeli via,
A te poscunt suffragia,
Quos constringit angustia.

2. O caelorum imperatrix,
Virgo felix, o beatrix,
Ad te clamat gens humana,
Mediatrix, [purga vana].

3. Purga labem vitiorum,
Medicinaque laborum,
Miserere populorum
Dans veniam defunctorum.

4. Stella maris apellaris
Et regina salutaris,
Gentes, quibus dominaris,
Ab iniquis tuearis.

5. Tu ingens spes credentium,
Ipsis praebe praesidium.

. . . . . . . . .

6. O tu virgo valde pia,
Dei mater et filia,
Hostis nequam contraria
Tua vincens potentia.

7. Nostrae carnis, o Maria,
Est abundans miseria,
Sua virtus et gloria
Marcescunt sicut folia.

8. Ergo, virgo sanctissima,
Mater Christi carissima,
Tua prece piissima
Roga pro nobis, Maria,

9. Quem genuisti, filium,
Ut det mihi consortium
Inter turmas fidelium,
Perennis vitae gaudium.

10. Pronus Hector ad altare,
Te delector adorare,
Ut me semper custodias,
Preces meas exaudias,

Virtutibus enutrias

Et post mortem suscipias.