Sacra Congregatio Rituum 155

II

ROMANA

BEATIFICATIONIS ET CANONIZATIONIS SERVI DEI P I I PAPAE X

SUPER DUBIO

An signanda sit Commissio Introductionis Causae in casu et ad ef-

fectum de quo agitur.

Ecclesiae fundamentum constituturus, Dominus ac Redemptor no-

ster quibus virtutibus pollere debeat, qui ad tantum munus eligatur, per-

spicue in Apostolo Petro ostendit; cum enim ad Caesaream Philippi di-

scipulos interrogaret quid de Ipso sentirent, Petrus animose, Patre re-

velante, respondit : Tu es Christus Filius Dei vivi! Hanc fidem remu-

nerans, Christus protinus subdit: Tu es Petrus et super hanc petram

aedificaoo Ecclesiam meam (Mt. 16. 15-18). Jterum ad lacum Tiberiadis

Dominus compellat Petrum: Simon Ioannis, amas me f Petrus quidem

suae fragilitatis non immemor, at simul sibi plene conscius amoris,

quo prosequebatur Magistrum, respondit : Tu scis, Domine, quia amo Te.

Hac amoris professione permotus, totius Ecclesiae supremum regimen

ei Dominus contulit, dicens: Pasce agnos, pasce oves meas (Io. 21).

Animi demissio suique diffidentia, mira fides ac fervens caritas,

queis, divina gratia afflante, Petrus nitebat, proximae steterunt causae

cur Ecclesiae fundamentum eiusque supremus Pastor constitueretur.

Eaedem porro virtutes Iosephum Sarto Sacerdotem, Episcopum, Pa-

triarcham et Cardinalem ad Summi Pontificatus fastigium evexerunt,

atque ad eum christianae perfectionis gradum adduxerunt, quem Pii X

late didita fama commonstrare videtur.

Anno 1835, die 2 Iunii mensis, in oppido Riese, in Tarvisina dioe-

cesi, primus ex decem filiis, quos Ioannes Baptista Sarto et Margarita

Sansón genuerunt, lucem aspexit Iosephus Melchior, atque insequenti

die per baptismi aquas regeneratus est. Genitores non censu, sed hone-

state atque pietate praestantes sortitus est, qui omni diligentia cura-

verunt ut filiolus pius ac frugi succresceret, atque efficaciter sane, uti

exitus comprobavit.

Egregia atque festiva indoles, quae eidem amorem et aequalium bene-

volentiam conciliabat, mentis acies atque sacrorum studium in puero

statim eluxerunt.