Capellaniae 155

Secundum pii fundatoris votum res optime vertit, donec

in primordiis huius saeculi politicae vicissitudines quindecim

Montium Loca ad quinque reduxerunt ; quibus praeterea, hoc

vertente tempore, ob Patronorum negligentiam Fabrica S. Petri

fruita est, quousque non fuerint vindicata.

Episcopus anno 1826 in actu S. Visitationis inveniens

vacantem capellaniam, neque sciens, an existèrent haeredes

fundatoris, ignorans quoque fundationis leges, eam tribuit

Parocho loci Pasciano, hac conditione adiecta, quousque non patefiat documentum fundationis quo ius dignoscatur.

Anno insequenti quidam prodiit Patronus, qui nominavit

ad capellaniam eundem Parochum, qui iam eam possidebat,

adiecta conditione, ut ea fruatur quousque exerceat Parochi officium in Pasciano.

Mortuo hoc capellano, Parochus qui successit, Benedictus N,

petiit capellaniae fructus titulo Parochi eius loci, sed invenit

quemdam oppositorem, ob eam rationem, quod non posset

capellanía considerari unita paroeciae contra fundationis tabu-

las; eam tamen obtinuit per nominationem Patroni, qui per

publicum Tabellionem et hanc adiecit in actu nominationis

clausulam quousque ipse Parochus erit loci Pasciano, quo mu- nere Parochi cessante, succedei in capellaniam novus Parochus loci eiusdem in infinitum.

Hic Parochus Benedictus N, postea Canonicatum est asse-

cutus ; atque ideo dimisit capellaniam cum Parochus esse ces-

sasset.

Successit in paroeciam Pasciano Presbyter Silvester, qui,

existimans capellaniam esse vere perpetuoque unitam paroe-

ciae, sibi fructus illius quaesivit: sed contrarium existimavit

Benedictus N, qui capellaniam dimiserat, et sibi consentientes

habuit id temporis Patronos. Immo iidem Patroni per acta

Tabellionis iterum in capellanum nominarunt Benedictum N,

eius vita naturali durante, sibique suisque haeredibus et suc-

cessoribus reservantes post eius mortem liberam capellaniae

nominationem.