THEATIN. SEU VASTEN. 155

sicuti antea fieri solebat, procederent, significare voluit quod parochorum coadiutorum electio a Curia Theatina fieri de- bebat. Verum, perpendit Archiepiscopus, dato etiam,sed non concesso quod citatae literae sensus dari debeat, quem Archi- presbyter tribuit, tamen quemvis valorem amisisse censet in vim posterioris decreti, quod occasione Sacrae visitationis Ar- chiepiscopus De Marinis anno 1860 edidit. Sane cum ex hoc decreto statutum fuerit quod cura animarum a Capitulo et Clero collegiali exerceretur, exclusis tamen Archidiacono, Cantore, Thesaurario atque Canonicis Theologo et Poeniten- tiario; quodque Archipresbyter à sex Capitularibus coadiu- varetur; manifestum erumpit nullum ius circa Coadiutorum nominationem ex tali decreto Archipresbytero concessum fuisse.

In tanta rerum factorumque implexa congerie, ut pronior via ad quaestionem super eligendis coadiutoribus definien- dam sterneretur, ex officio animadversum fuit, iuxta comu- nem Canonistarum sententiam duplex coadiutorum seu coo- peratorum parochialium genus dari. Eorum scilicet qui pa- rocho adsignantur sive ob aliquam perennem animi , aut corporis infirmitatem,, sive ob necessariae scientiae defe- ctum inhabili ad curam gerendam effecto Dec. Lib. 3 tit. 6 cap. 3, et eorum qui a parocho adiunguntur quando ita numerosus est populus j ut solus parochus ministrandis sacramentis sufficere nequeat.

Secundi generis coadiutores, qui communius Vicarii Cu- rati vel vices parochi gerentes appellantur, in pluribus ab aliis differre tradit Bouix de Par. p. IV c. 2 §. 1. Illos ab Ordinario, hosce a parochis nominari et ab Ordinario ap- probari: parochos huiusmodi ius sibi vindicare in vim Cap. IV sess. 21 Conc. Tridentini, ubi haec praescribuntur: « Epi- » scopi, etiam tamquam Apostolicae Sedis delegati, in omni- » bus ecclesiis parochialibus, vel baptismalibus in quibus » populus ita numerosus sit, ut unus Rector non possit suf- » licere ecclesiasticis sacramentis ministrandis et cultui di- » vino peragendo, cogant Rectores, vel alios ad quos per-