CUNEEN. 155

beretur; quod nihilominus, vacante tum utroque canonicatu Ghisolfi et Delia Chiesa, minime obtinere valuit.

Perperam vero adduci, edicunt, factum quod praebenda Ghisolfi ex legato canonici Abella augmentum quotannis li- bellarum 150 suscepit. Nam voluntas pii testatoris quae semper inviolabiliter servanda esset, eo forsan spectavit, ut sua liberalitate canonicatum augeret, qui utpote theologalis peculiaria onera habet adnexa. Ceterum nullum exinde da- mnum capitulo obvenit; nam lex diei 15 Augusti 1867 ta- xae trigesimi pro centenis reditus ecclesiasticos tunc existen- tes tantum subiecit, minime vero qui posterius habiti sunt. Unde cum legatum canonici Abella primum die 1 Ianua- rii 1869 perceptum fuerit, nulla est ratio cur dubitet ca- pitulum hanc fuisse causam imminutionis summae ab aera- rio massae restitutae; quod aliunde etiam ex fìsci «litteris evidentissime apparet.

Tandem memorant in sui favorem causam Theanen, co- ram S. C. C. agitatam die 15 Iunii 1889 et 19 Martii 1873 quae praesenti similis prorsus videtur. Agebatur enim ibi de divisione peragenda summae a gubernio restitutae vi le- gis 19 Iunii 1873, inter duodecim canonicos, quorum qua- tuor tantum reditum ultra lib. 1600 percipiebant. Octo pau- periores canonici legi civili innixi a restitutionis benefìcio ceteros volebant exclusos , qui ex adverso tuebantur fiscum quidquid intenderit, de facto massa communi restituisse ideo- que summam aeque inter omnes esse partiendae. Verum proposito dubio « An restitutio illius sortis* quam gubernium iampridem detraxerat ob tributum 30 0\0 cedere debeat m favorem omnium capitularium* an potius octo tantummo- do in casu » responsio prodiit < Affirmative ad primam par- tem* negative ad secundam. » Quare inferunt et in themate nihil obstare quod praebendae Ghisolfi et delia Chiesa ditio- res sint, quominus damnum communis massae inter omnes aeque distribuatur. (1)

(1) Confer Vol, XXII, 287 quo relata iam fuit Theanen.