153. Ad Angelum Custodem.

1. O angele dulcissime,
Mi custos fidelissime,
Me custodito miserum,
Ne decidam in tartarum,

2. Nam sum figmentum fragile.
Per nomen ineffabile
Dei vivi te postulo,
Ab omni me periculo,

8. Et corporis et animae
Praeserves, hostes comprime.
Dum vigilo, dum dormio,
Sanctae crucis praesidio

4. Munitum me custodias,
Tentationes noxias
Fac me prudenter vincere
Deoque digne vivere.

5. Corpus meum et animam
Sub tua fidelissima
Cura semper proficiant
In Deum nec deficiant.

6. Sis dux et tutor misero
Mihi, mori cum coepero,
Protector, mi sanctissime,
Tunc esto meae animae.

7. Adsis, virgo piissima,
Maria benignissima,
Ut vestro sic juvamine
Jesu fruar dulcedine.