152. De sancta Barbara.
Ad Vesp. et Noct.

1. Hymnizemus Christo regi
Per laudum insignia,

Concinentes ejus legi,
Inclita dum Barbara

Coadsistit ejus sedi

Scandens super aetbera.

2. Quae in via decoratur

Variis miraculis,
Nam per ipsam sic praestatur

Virtus natatoriis,
Ut in ipsis conferatur

Salus mira languidis.

3. Crucis Christi haec figuram

Efficit in marmore
Digitorum per pressuram

Et virtutis pollice,
Manens cunctis ad puncturam

Cordis indelebile.
4. Dum fatetur trinitatem,

Pater ejus fremuit,
Per Dei nam majestatem

Signum magnum claruit,
Virgo muri firmitatem

Inconfractam transiit.

5. Nam per ventum sursum ducta,
Cum petra sub pedibus

Haec per murum est deducta
De patris adspectibus,

Vere vecta et conducta
Angelorum manibus.

6. Gloria et laus decoris
Christo sonat undique,
Grex ovium proditoris

Virginis dum Barbarae
Locustarum creatoris
Formam gestat opere.