160.

I.

1. In conflictu nobili,
Mundo satis utili,
Magno licet aequitatis
Jure dccertatur,

2. Veste sed ignobili.
In quo nostro pugili
Rex pro plebe, pro creatis
Conditor armatur,

3. Gratia mirabili
Figulus pro fictili

Nostrae causa libertatis
Hodie decertatur.

II.

1. Non obfuit,
Ut potuit,
Non nocuit
In homine,

2. Vim noluit,
Sed minuit,
Dum latuit
In homine,

3. Praevaluit,
Obtinuit,
Nos eruit
In sanguine.

III.

1. Quem spes animavit,
Fides roboravit,

2. Caritas armavit ;
Vita triumphavit,

3. Hostem relegavit,
Regna spoliavit.

IV.

1. Cinis adhuc aestuat
Irae veteris,
Cum nos adhuc arguat
Hujus operis
Auctor sceleris,

2. Et ne litem minuat
Pax in posteris,
Odium perpetuat
Hoc in ceteris
Sui generis.

3. Sed hoc pater tribuat
Suis liberis,
Forte ne destituat
Nos in asperis
Pugna sceleris.

VI.

1. Nam praeter hostes publicos
Habemus hostem unicum,

2. Quem inter hostes reliquos
Habemus ut domesticum,

3. Insultum per domesticos

Sequentes carnis lubricum.

VII.

O conjugis admonitum
Dum adhuc Adam imitatur,

1. Adhuc pomum vetitum
Dum vult ad libitum,
Dum prandium inhibitum,
Dum , quod habebat, pro-
pinatur.

2. Adhuc vitae perditum
Dum claudit aditum,
Dum caro contra spiritum,
Dum in nobis colluctatur,

3. Offerens illicitum,
Dum dat interitum,
Dum ritum debitum,

Dum Eva, quae nos amplexatur.

VIII.

1. Variat ad placitum,

Dum, quidquid hic mandatur,

2. Revocat in irritum,

Dum incautis adulatur,

3. Blandities ac varies,
Subvenies
Divinitus
Nunc sancte nobis spiritus.