VERSALIEN. SEU P A R I S I E N . 157

proprio bono consulebat. Quocirca agitur de persona, quae incutiens metum interesse habet, quo in casu, ut ait Bar- bosa lib. 2, vol. 16, n. 30 « solus metus reverentialis di- citur sufficiens ad rescindendum contractum ».

Praeterea in themate, adnotant defensores, agitur de puella in minore aetate constituta ac natura timida, in qua longe minor metus requiritur quam in viro. Ad rem P i - gnatelli, tom. 9, const. 173, n. 3D , ibi: « Causae vero praecipuae iusti metus sunt minor aetas metum passi, ut proinde eius imbecillitate levior metus sufficiat ». Et Sán- chez postquam scribit: « Tamquam certum statuendum est., minorem metum desiderari in femina quam in viro - haec addit : et ratio est, quia licet femina habeat virtutem con- stantia*}, propter constitutionem corporis illi sexui natura- lem minus potest resistere metui quam vir, ergo minor metus sufficiet ut opprimât cogatque feminam constantem succumbere quam virum constantia praeditum ». (De Ma- trim, libr. 4, dis. 3).

Haec omnia advocati confirmant ex ineluctabili aversione, quam constanter puella erga virum experta est.

Ad alterum orationis caput descendunt oratores, et gra- vitatem incussi metus comprobare nituntur ex circumstan- tiis, quae matrimonium praecesserunt, concomitatae sunt et subsecutae. Iamvero de iis quae nuptias praecesserunt, pa- troni iam ostenderunt qua aversione Magdalenam usque ab initio virum abhorruerit. Notant potius modum, quo praeci- pitanter nuptiae conciliatae fuerint. Hanc vero sollicitudi- nem defensores explicant hoc modo, quod quum apertissima repugnantiae signa Andreae daret sponsa, pervicacis matris intererat, acerbam hanc rerum conditionem quam cito ab- rumpere, fortiter timens ne puellula nostra, audax periculo facta, in apertam rueret rebellionem.

In ipsa coeremonia celebrationis matrimonii, observant patroni, signa extraordinaria moestitiae et contrarietatis non defuisse: «J 'é ta is , ait Actricis avunculus, seul avec elle dans le coupé qui nous a conduits à l'Eglise ; elle n'a cessé