158 Capellaniae

Dubia

I. « An constet de vera et perpetua unione capellaniae

« Leonardi favore ecclesiae parochialis Pasciani in casu.

< Et quatenus negative.

II. « An sustineatur nominatio et possessio eiusdem Capel-

le laniae favore Sacerdotis Benedicti (JV.) in casu ».

R ESOLUTIO. S. Congregatio Concilii, causa cognita, die

15 decembris 1871 respondere censuit:

Ad I. Negative. Ad II. Affirmative. Ex QUIBUS COLLIGES:

I. Quamvis in iure certum sit, posse Patronos laicos

iuspatronatus donare alicui ecclesiae, interveniente Episcopi

consensu : non posse tamen donationem facere, si donatio ever-

tat fundationis legem. 1

II. Haec referri etiam ad capellanías laicales, quae in

mera legata pia facile resolvuntur, quamquam pro eiusmodi

cessione iuris neque requiratur Episcopi consensus. 2

1 Quod patroni laici possint iuspatronatus alicui donare cum consensu Episcopi plana res est in iure, ut videre est in cap. Illud 8, de iure patron., cap. Quod 5, h. t., cap. Cura 11 h. t., cap. Suggestum 20 h. t., etc. Eccle- sia vero vel monasterium habens iuspatronatus potest illud alteri Ecclesiae donare, sed cum debitis solemnitatibus ad alienationem rerum Ecclesiae requisitis: quia iura ista incorporalia rebus immobilibus fere accensentur, de qua re agunt auctores in titulo de, Rebus Ecclesiae non alienandis.

Non possunt tamen Patroni laici iuspatronatus Ecclesiae donare etiam cum consensu Episcopi, si lex fundationis et voluntas fundatoris per eius- modi donationem e verteretur ; hoc enim in casu subintrant omnes iuris dispositiones, quae praecipiunt fundatorum voluntates esse adamussim exe- cutioni mandandas, quarum Episcopi sunt executores nati. Confer quae scripsi in Vol. Il, p. 369 et seqq.

2 Sic inter ceteros scripsit Card. De Luca, discur. 53, de iurepatronat., n. 2: « Dicebam iniustam esse oppositionem, quoniam circa donationem « iuris praesentandi seu deputandi capellanos, tunc intrarent ea quae ex « adverso deducebantur super prohibita donatione iurispatronatus sine con- « sensu Ordinarii (adeo ut neque sufficiat illa Vicarii Generalis absque spe- « ciali mandato), quando ageretur de Beneficiis vel capellanus cum Ordi-