158 Dubiorum

« culosum nonnullis videtur hoc rerum genus (inquirere nempe << an abusus invecti sint quoad alicuius loci, aut rei, vel acti « pii Indulgentias) nimis diligenter scrutari et excutere, -p.ro- '< pterea quod si hinc urget necessitas exposcendi opportuna « remedia ne christifidelibus imponatur, inde obstat timor ne «. detecto per ipsos Indulgentiarum insubsistentia, quae antea « eos latuerat, nec eis denuntiata fuerit ab eis, qui rerum « veritatem ipsis sine fuco demonstrare debebant, turbentur « illi, offendantur, indeque occasionem arripiant obloquendi in «eos qui ecclesiastici regiminis veluti habenas moderantur».

Exposito periculo ab ablatione abusuum, quoad Indulgen- tias, derivanti, opportunum Pontifex suggerit remedium, ita prosequendo : « verum haud ita difficile et arduum est viam « adinvenire, per quam ex hoc impedito, ut isti putant, laby- « rinto evadatur. Si enim in Indulgentiarum discussione, quam « in sua Dioecesi instituit Episcopus, aliquas repererit quae « dubiae fidei sibi videantur, non negligat easdem recensere « in relatione status suae Ecclesiae ; quod cum praestiterit, « opus erit Congregationis Concilii huiusce rei motionem « remittere ad alteram Congregationem Indulgentiarum. Quo- « ties autem examine facto huiusmodi indulgentias apocryphas « declarari contigerit, si rogetur Pontifex ut Indulgentiis apo- « cryphis veras canonicasque Indulgentias subrogare velit et « (ut sperandum est) consonum votis rescriptum obtineatur ; « non solum hac ratione incommodis omnibus cumulate con- « sultum erit, sed insuper fideli populo spiritualis veraeque « laetitiae occasio exibebitur ».

Remedium huiusmodi ab ipso Benedicto XIV adhibitum fuit die 6 martii 1856 quoad indulgentias quae vulgo dice- bantur concessae Coronae B. Ioannae Valeriae. Quod cum suggestum fuerit S. Congregationi a Consultore in Mexicana diei 30 martii 1856, S. Congregatio post declaratas apocryphas Indulgentias et privilegia de quibus agebatur, curavit ut a Summo Pontifice nova concederentur, ceu concessa fuerunt sub die 14 aprilis 1856.