158 MEDIOLANEN.

sui sustentationem ab alio pro eadem Missa; cessat enim titulus sustentationis exigendae ». Respondet Lugo, negans in casu proposito cappellani, utrumque esse stipendium : sed abstractione facta ab eo casu speciali, quid prohibet pro una Missa duplex accipi stipendium, quando alter ex offerenti- bus gratum habet, ut et ab altero stipendium accipiatur pro eadem Missa eidem applicata? Perinde esset, ac si quis au- gere vellet stipendium quod alter dedit, non mutata inten- tione.

Quocirca si beneficiarius ratione quidem beneficii tenetur certis diebus Officium defunctorum recitare, ita tamen ut libera applicatio ei maneat, videatur posse stipem recipere propter assistentiam funeris et applicationem fructus eius- dem Officii facta defuncto. Saltem sententia contraria non est adeo certa ut merito dubitare non liceat. Profecto his quaestionibus solvendis, praeter ius naturale, ex essentiis rerum collectum, se immiscet quoque ius positivum ; ut pro- inde nosse oporteat quid in hac re Ecclesia velit aut per- mittat : verum, utrum Ecclesia clare significaverit volunta- tem suam, videbimus paulo post, cum perpendemus argu- menta alterius Consultoris. Reliquum esse, ut expediremus argumentum ductum ex principio quodam, quod duplici obliga- tioni nequeat fieri satis uno actu ; at quia hoc argumentum occurrit etiam contra eos, qui solo titulo ordinationis te- nentur horas canonicas recitare, ad hos gradum facimus.

Itaque in his certe valet quod iam diximus, sola lege Ecclesiae ex motivo religionis teneri eos obligatione reci- tandi Horas canonicas sive vivorum sive mortuorum: appli- cationem fructus liberam ipsi relinqui : praeterea in ipsis non habet locum ratio dubitandi, de qua mox locuti sumus, ducta ex possessione beneficii et, si quid valet instantia ex cappellano adducta, cui libera permissa est applicatio sacri- ficii, ea absque dubio vim omnem suam exerit in huiusmodi hominibus. Si qua est ergo difficultas ipsa ex eo erit, quod adsit duplex obligatio, cui uno actu fieri nequeat satis, vel vi iuris naturalis vel saltem positivi.