Sermo VII .

Invenerunt illum in templo sedentem in medio doctorum, audientem ill os et interrogantem eos, Lucae secundo .

Ostenditur hic spiritualiter ad inveniendum puerum Iesum primo loci qualitas, cum dicitur: Invenerunt illum in templo; secundo, inventi dignitas sive inveniendi forma, cum dicitur: sedentem in medio doctorum.

I. Quantum ergo ad primum dicitur: Invenerunt illum in templo. Circa quod nota septem templa, in quibus devote quaesitus noster Iesus spiritualiter procul dubio invenitur, ut Ioannis septimo : Clamabat Iesus in templo; Lucae secundo: Et venit in spiritu in templum, et in multis aliis locis: primo, in templo materialis basilicae per orationem devotam; Psalmus: Adorabo ad templum sanctum tuum et confitebor nomini tuo; Apocalypsis vigesimo primo: Et templum non vidi in ea. Dominus enim Deus omnipotens templum illius est et Agnus.

Secundo, in templo universalis Ecclesiae per immaculatam fidem; primae ad Corinthios tertio : Templum Dei sanctum est, quod estis vos. Dei aedificatio estis.

Tertio, in templo sanctae animae per puritatem conscientiae; primae ad Corinthios tertio: Nescitis, quia templum Dei estis, et Spiritus Dei habitat in vobis? et sexto: Maritis, q uiamembra v est ra templum sunt Spiritus sancti?

Quarto, in templo Virginis gloriosae per nitiditatem castitatis mundissimae; Psalmus : Sanctum est templum tuum, mirabile in aequitate.

Item Dominus in templo sancto suo; Malachiae tertio: Statim veniet ad templum suum.

Quinto in templo immaculatae personae sive humanitatis Christi per affectionem considerationis duplicis in eo unitae naturae; Ioannis secundo: Solvite templum hoc et in tribus diebus excitabo illud. Ille autem dicebat de templo corporis sui; Ezechielis quadragesimo tertio: Fili hominis, ostende domui Israel templum, et confundantur ab iniquitatibus suis.

. Sexto, in templo religionis sive sacrae vitae per morum claritatem; ad Ephesios secundo : In quo omnis aedificatio constructa crescit in templum sanctum in Domino; primae ad Corinthios tertio: Si quis autem templum Dei violaverit, disperdet illum Deus; et tertii Regum octavo: Et templi, quod

. aedificavi nomini tuo.

Septimo, in templo aeter nae gloriae per adeptionem stolae geminae ; Apocalypsis tertio : Qui vicerit faciam illum columnam in templo Dei mei; Psalmus: In templo eius omnes dicent, gloriam; Isaiae sexto: Ea quae sub ipso erant, replebant templum.

II. Quantum ad secundum subditur: sedentem inmedio doctorum. Circa quod nota, quod invenimus Iesum nostrum in medio multis modis in Scriptura: primo, iacentem in praesepio in medio animalium in speculum viscerosissimae clementiae; Habacuc tertio : In medio duorum animalium note sceris, secundum litteram Septuaginta

Secundo hic, sedentem in medio doctorum in speculum fontalis sapientiae; Ioannis primo: Medius autem vestrum stetit quem vos nescitis.

Tertio, ministra ntem in medio discipulorum in subsidium nostrae abolendae superbiae; Lucae vigesimo secundo: Ego autem in medio vestrum sum sicut qui ministrat.

Quarto, venientem sive assistentem in medio fratrum in suffragium amoris et corroborantiae; Matthaei decimo octavo : Ubi sunt duo vel tres congregali in nomine meo, ibi sum in medio eorum.

Quinto, offerentem se in medio templi in ministerium spiritualis doctrinae: Psalmus: Suscepimus, Deus, misericordiam tuam in medio templi tui.

Sexto, conversantem in medio terrae in exemplum sanctissimae vitae; Psalmus: Deus autem, Rex noster ante saecula, operatus est salutem in medio terr ae,

Septimo, transeuntem per medium provinciarum in documentum strenuissimae solertiae; Lucae decimo septimo : Dum iret Iesus in Ierusalem, transibat per mediam Samariam et Galilaeam.

Octavo, venientem per medium civitatum in solatium efficacissimae gratiae; Marci septimo: Venit per Sidonem ad mare Galilaeae inter medios fines Decapoleos.

Nono, euntem per medium turbarum persequentium in signum irrefragabilissimae patientiae; Lucae quarto: Ipse autem, transiens per medium illorum, ibat, quando voluerunt eum praecipitare.

Decimo, pendentem in medio latronum in patibulo in pretium nostrae redemptionis; Ioannis decimo nono : Crucifixerunt eum et cum eo alios duos hinc et hinc, medium autem Iesum.

Undecimo, stantem in medio Apostolorum in obsequium reddendae laetitiae; Ioannis vigesimo: Venit Iesus et stetit in medio et dixit eis: Pax vobis; Lucae ultimo: S''tetit Iesus in medio eorum et dicit eis: Pax vobis.

Duodecimo, ambulantem in medio trium puerorum in praesagium spiritualis assistentiae et Sanctorum curae; Danielis tertio: Video quatuor viros solutos et ambulantes in medio ignis; et species quarti similis Filio Dei. ''

Decimo tertio, apparentem de medio rubi in signum incarnationis de Virgine; Exodi tertio: Apparuitque ei Dominus i n flamma ignis de medio rubi.

Decimo quarto et ultimo, in medio septem candelabrorum aureorum in fastigium suae excellentiae; Apocalypsis primo: Vidi i n medio septem candelabrorum aureorum similem Filio hominis etc.

Schema praecedentis sermonis.

Item, sermo fratris Bonaventurae coram populo, Lugduni in Ecclesia sancti Nicecii.

Invenerunt illum in templo, Lucae secundo .

Debemus scire, carissimi, quod Filius Dei invenitur in templo: basilicae ecclesiasticae per orationem devotam; Psalmus : Adorabo ad templum sanctum tuum et confitebor nomini tuo.

Universalis Ecclesiae per immaculatam fidem; Psalmus: Sanctum est templum tuum, mirabile in aequitate.

Sanctae a nimae per sinceritatem conscientiae et munditiae; primae ad Corinthios tertio : Nescitis, quia templum Dei estis etc.

Aeternae gloriae per adeptionem utriusque stolae; Danielis tertio: Benedictus es in templo sancto gloriae tuae.