155. De sancta Barbara.

Ad Laudes.

1. Laudes, quas hodie tibi persohimus,
Christe, rex gloriae, sume propitius
Et munus gratiae confer canentibus
Jam sanetae Barbarae sacra solemnia.

2. Quae clara genere fuit sed moribus
Nec non et opere claruit amplius,
Nam Dei munere est abundantius
Perfuncta protinus a pueritia.

3. Haec regem gloriae clanculo coluit,
Idola respuit ancilla Domini
Veluti decuit, et sibi penitus
Mundus displicuit et ejus gloria.

i. Illud ut patuit patri, vesania
Movetur, fremuit ut saeva bestia,
Adhibuit illi dira supplicia,
Sed vicit omnia mira constantia.

5. Et post haec feroci traditur judici,
Ut ipsam enecet diris suppliciis,
Patitur ab eo verbera, carcerem
Et aestus lampadum, cratis incendia.

6. In bis et aliis invicta permanens,
Haec patri redditur eodem impio,
Truncatur gladio, mercatur sanguine
Fuso pro Domino regna coelestia.

7. O sponsa Domini, martyr egregia,
Subtrahe crimini nos per suffragia
Et redde numini post haec exsilia,
Ut tibi comites simus in gloria.

8. Pater, per filium sit tibi gloria,
Salvator omnium, tibi victoria,
Purgator cordium, sit tibi gratia,
Qui vivis et regnas saecla per omnia.