157. De sancta Anna.

1. O praeclara mater matris,
Quae concepit verbum patris
Non commixtione maris
Sed ut virgo singularis,

5. Quem in utero portavit
Genitrix de stirpe David,
Invocantem te exaudi
Et studentem tuae laudi.

O pareatis parens Dei,

10. Apud ipsum memor mei,
Quibus deprimor, meorum
Terge sordes peccatorum.
Et ipsa, quam genuisti,
Casta mater aula Christi,

15. Sua tecum sancta prece
Me ab omni purget faece.
Felix arca testamenti,
Quae Judaeae non credenti
Urnam continentem manna

20. Parturisti, clemens Anna,
Nec terrenum sed coeleste,
Omnes salva nos a peste,
Qui te sumus expetentes
Et ad te confugientes.

25. Ex auro virginitatis
Clara fulsit urna satis,
In qua panis angelorum
Fabricavit sibi thorum,
Ut lassatas, poenitentes

30. Anxiasque levet mentes
Hasque pascet carne sua,
Quam sumpsit de carne tua.
Ille rex propitiator
Mundo datus est salvator,

35. In quo nostra salus multa
Te juvante est exculta.
Terra sancta carnis Christi
De terra, quam coluisti,
Est assumpta, sicut patet,

40. Sacramentum hoc non latet.
O vas Anna gratiarum,
Tuum nomen, quam praeclarum,
Me laetificare solet
Et auferre, si quid dolet.

45. Quia gratia vocaris

Meritisque splendes claris,
Fac, ut juxta nomen tuum
Faciat rex opus suum
In me, sibi sic splendere,

50. Valeam ut complacere.
Figulusque, qui de limo
Fecit in parente primo,
Quod costa sublata viro
Fit virago actu miro,

55. Te formavit, ut formata

Hunc placares prece grata,
Sicque fieres multorum
Consolatrix miserorum.
Consolare me lugentem

60. Et conforta poenitenteni
Et reduc ad vitae viam
Et videre da Messiam,
Quem venisse nescit rea
Sed venturum gens Hehraea

65. Adstruit et asseverat
Perfidaque est ut erat.
Tuis ergo, mater, votis
Cura favet sic nepotis,
Ut nil neget, si quid velis,

70. Repraesentas quod in caelis.
Igitur hunc interpella
Sitque tecum maris stella,
Et pro me Christum orate
Amhae matres Christo gratae.

75. Sensus per vos, precor, mei
Muniantur laude Dei,
Ut nil agant, quod horrescat,
Indignatio quo crescat.
Quam benigni salvatoris.

80. Ergo me sub cunctis horis
Fac, Anna, parens beata,
Fac cum tua prole grata,
Ut me Christus, auctor vitae,
Sine rixa, sine lite

85. Sibi faciat praeclare
In hac vita militare.
Qui fons patens domus David
Peccatores multos lavit,
Per te lavet et expurget,

90. Quidquid in me scelus urget.
In Jerusalem qui manet,
Poscens, ut hunc Christus

sanet,
Hic in pacis visione
Dignus est redemptione.

95. Angelus est quasi Dei,
Quem illustrat sol diei
Luxque vacat creatoris
Ab errore seductoris.
In hoc fonte Petrus lavit,
100. Quod negando jam peccavit,
Et res partiens Zachaeus

Rapuitque, quod Matthacus.
Et de Magdalo Maria,
Per exeniplum vitae via,

105. Et latro pendens in cruce
Diluit se Christo duce.
Hocque David fonte lotus
Subjugavit, Christo potus,
Quae de ipso scriptus ante

110. Vidit spiritu dictante,

Nostram praedicans salutem
Veram Dei per virtutem.
Ergo inter coeli cives,

Anna felix, Anna dives,
115. Fac, ut vitam castitatis
Teneam cum candidatis,
Innocentiam professis
Et in prelo mundi pressis.
Ora pro me et pro cunctis,
120. Tam vivis quam et defunctis,
Ut nos lue peccatorum
Mundet auctor beatorum
Detque gaudia sanctorum
In saecula saeculorum.