160 Acta Apostolicae Sedis - Commentarium Officiale

et reges Regni caelorum instituit, pauperes rebus fecit, virtutibus

sublimavit. Haec sit portio vestra;.. . cui . . . totaliter inhaerentes,

nihil aliud pro nomine Domini nostri Iesu Christi in perpetuum

sub caelo habere velitis ». 1 Atque idcirco Franciscus paupertatem

amavit praecipue, quod eam consideraret Deiparae familiarem

et Christi Iesu non tam familiarem quam Sponsam in ligno Cru-

cis adscitam, et ab hominibus deinde oblitteratam et mundo valde

amaram atque importunam. Quae cum secum ipse reputaret,

mirum quantum consueverat lacrimarum edere ac ploratuum.

Iam quis insigni isto hominis spectaculo non commoveatur, qui

ex paupertatis amore pristinis lautitiarum suarum sociis aliisque

non paucis insaniisse visus est? Quid quod pósteros, vel ab evan-

gelicae perfectionis captu usuque alienissimos, huius tanti pau-

pertatis amat oris auctior in dies admiratio perculit et nostrae

homines aetatis percellit? Cui quidem posteritati omnino Alaghe-

rius praeivit, cantu illo 2 de sponsalibus inter Franciscum et Pau-

pertatem initis, in quo nescias utrum magis mirere, grandita-

temne elationemque sententiarum, an carminis mollitudinem ac

venustatem.

Iamvero quae in mente animoque Francisci paupertatis et

notio altissima et generosa insidebat cupiditas, externorum dum-

taxat bonorum abdicatione terminari ac circumscribi non poterat.

Kam cui liceat germanam ad Christi Domini exemplum adipisci

ac profiteri paupertatem, nisi se spiritu pauperem seque humi-

litatis virtute pusillum effecerit? Quod'cum probe teneret noster,

alteram virtutem ab altera nunquam dissociando, utramque simul

consalutat ac salvere iubet: « Domina sancta paupertas, Dominus

te salvet cum tua sorore sancta humilitate... Sancta paupertas

confundit omnem cupiditatem et avaritiam et curas huius saeculi.

Sancta humilitas confundit superbiam et omnes homines huius

mundi et omnia quae in mundo sunt ». 3 Franciscum autem uno

ut verbo depingat, aurei Be Imitatione Christi libri scriptor humi-

1 Beg. Fr. Min., c. 6. 2 Far. X I . 3 Opuse. Salutatio virtutum (Ed. 1904), p. 20 et seq.