160 Acta Apostolicae Sedis - Commentarium Officiale

APPENDIX

VICARIATUS URBIS

D E C R E T U M

CONSOCIATIONIS S. FAMILIAE

Ad excitandum in christianis familiis pietatis studium erga Sacram

Nazarethanam Familiam, in qua omnes homines absolutissimum domesticae

societatis omnisque virtutis exemplar intueri possunt, f ei. rec. Leo Pp. X I I I ,

datis litteris in forma Brevis sub die 14 Iunii 1893, Consociationem sub

invocatione S. Familiae, iam in variis Orbis partibus feliciter institutam, non

solum laudavit, sed, opportunis datis legibus et spiritualibus bonis ex Eccle-

siae thesauro concessis, promovere et augere curavit. Inter alia constituit

ut Pia Consociatio Romae apud Emum Vicarium in spiritualibus Genera-

lem pro tempore Sanctitatis Suae centrum haberet, ita ut ipse Emus Patro-

nus, a R m o Sacrorum Rituum Congregationis Secretario duobusque aliis

ad arbitrium suum Praelatis, necnon et ab alio ex ecclesiasticis Secretarii

munere fungente adiutus, Consociationem ubique terrarum dirigeret ad

servandum spiritum et indolem propriam institutionis et ad Consociationem

ipsam magis ac magis in dies propagandam. Res iuxta votum Pontificis

feliciter cessit et Consociatio, in omnibus terrae partibus diffusa, uberes

fructus in christianis familiis hucusque produxit. Nunc vero ut maiore studio

et ordine res prosequi valeat, SS. D. N. Pius Papa XI in audientia diei

17 Martii ann. curr. statuere dignatus est ut, in posterum praeter Rmum

S. Rituum Congr. Secretarium Emo Patrono pro regimine Consociationis,

vice duorum Praelatorum, adstent Secretarius Vicariatus nostri et Came-

rarius pro tempore Collegii Parochorum Urbis: Procurator vero Generalis

pro tempore Instituti Filiorum Sanctae Familiae Iesu, Mariae et Ioseph,

cuius domus princeps est in civitate Barcinonensi, Secretarii munus gerat

iuxta regulas ab Emo Viro Lucidi M. Parocchi Antecessore nostro, die

8 Ianuarii 1893 adprobatas. Contrariis quibuscumque non obstantibus.

Datum Romae, ex aedibus Vicariatus, die 3 Aprilis 1928.

L . © S.

£g BASILIUS C A R D . V I C A R I U S

F. Can. Pascucci, Secretarius.