160 MATRIMONII

una Geracensi an. 1589 (Lib. 6. Decr. p. 92). Neque ob- stare matrimonium de praesenti ab impuberibus contractum, quod (Cap. unie. De Desp. imp. in 6.) praesumitur valere uti sponsalia, nam textus ibi loquitur de impuberibus , qui expressa voluntate sese obligarunt ut potuerunt, et defectus non est circa constitutiva essentialia matrimonii, sed in con- trahentium persona.

Ita prima quaestione absoluta, quoad alteram admitteba- tur matrimonium civile in sua forma extrinseca esse clan- destinum; quia Concilium Tridentinum matrimonii materiam et formam minime immutavit, sed tantum matrimonia clande- stina (sine parocho proprio et testibus), quae prius erant so- lum illicita, reddidit etiam invalida; ideoque hodie matrimo- nium clandestinum definiri posse : contractus per verba de praesenti, quo, vir et mulier, quantum in eis est, libere sed illegitime invicem sibi tradunt et accipiunt dominium proprii corporis ad finem matrimonii. Haec autem definitio matri- monio civili, in sua forma extrinseca considerato, apprime congruere dicebatur.

Ast veram clandestinitatem pendere addebatur ab intentione contrahentium, et matrimonia clandestina hodie illicita esse saltem eodem modo quo erant ante Tridentinum, quamvis hodie sint ei iam invalida ; ideoque a fortiori dici potest quod s. Dei Ecclesia ex iustissimis causis ( ea ) detestatur et prohibet. Qui fit igitur quod et Episcopi et parochi, sua- deant fidelibus, ut celebrato matrimonio iuxta ritus Ecclesiae, matrimonium civile non praetermittant? Hoc fit quia matri- monium civile per se rationem clandestinitatis non habet.

Profecto matrimonii contractus est stricte bilateralis inter virum et mulierem in mutua donatione et acceptatione domi- nii proprii corporis consistens relate ad coniunctionem ma- trimonialem. Duo igitur essentialia requiruntur 1. Deliberatus voluntatis consensus; 2. Exterior manifestatio huius consen- sus; si demas primum, contractus non est humanus; non est contractus, non matrimonium; si alterum, mutua donatio et acceptatio necessaria ad matrimonii constitutionem haberi non