158. De sancta Barbara.

1. Ave, Barbara praeclara,
Ave, virgo Deo cara,
Ave, gemma virtuosa,
Ave, martyr, vernans rosa.
5. Ave tu, quae puerili
Et aetate juvenili
Jesum Christum dilexisti,
Cui corde adhaesisti.
Licet nondum baptizata,

10. Tamen illi multum grata
Per servitia placebas
Nec non maxime studebas,
Patrem tuum hoc nescire,
Qui studebat his servire,

15. Quos tu caute respuisti
Et viriliter dejecisti.
Propter quae es verberata
Et ab eo vulnerata
Ac in cellulam detrusa

20. Sicque firmiter reclusa,
Te quousque praesentaret
Praesidi et supplicaret,
Ut excessus emendares
Molisque immolares.

25. Quod tu respuens dixisti,
Nam diabolum vicisti:
Unum Christum fide colo,
Cui et servire volo.
Quem tu praeses nunc ignoras,

30. Proh dolor, et non adoras,
Eo quod est induratum

Tuum cor atque gravatum,
Daemonibus tuis servis.
Tunc iratus jussit nervis

35. Discerpi te cum taurinis
Et texturis cilicinis
Impius praeses fricari
Et post haec incarcerari.
Nocte illa confortata

40. Es a Christo et sauata.
Mane tandem praesentaris
Praesidi, per quem probaris
Diis te sanatam esse,
Propter quod tibi necesse

45. Est eis dare gratias,
Quod nisi cito facias,
Magnis poenis es tradenda,
Nullo modo redimenda.
Illud vero tu negasti,

50. Jesum Christum invocasti,
Quo sanatam te ostendens,
Deos falsos reprehendens,
Ipsos nunquam te juvare
Posse neque te sanare.

55. Praeses fremens hoc audito
Ut leo praecepit cito,
Caput malleis ferire
Lateraque aperire,
Quibus ignem adhiberi.

60. Christum tibi misereri
Puro corde supplicasti,
Quod tam cito impetrasti.

Tis mamillao abscinduntur
Gladiisque feriuntur

65. Tua membra fortiter
Flagris, et sic turpiter
Nudam te educi jubet
Impius praeses nec pudet
Per hanc totam regionem.

70. Tunc fecisti hunc sermonem:
Rogo, Domino te Deus,
Esto nunc protector meus,
Tege corpus, quod nudatur,
Ne a viris videatur

75. Iniquis nec non lascivis.
Post haec nempe vidit quivis
Angelum mox descendentem,
Stolam albam deferentem,
Qua operta tuearis,

80. Ne a viris videaris.
Quo a pracside sentito
Famulis praecepit cito,
Ut per gladium trunceris
Et sic male consummeris.

85. Illud patri tunc praecepit,
Cum furore te recepit
Et permisit decollari,
Tuum caput amputari.
Hinc educta gratularis,

90. Speras finem, deprecaris
Sic pro cuncto peccatore
Coram tuo salvatore:
Jesu Christe, tu dignare
Pias aures inclinare
95. Ad omnes te in vocantes
Mihi atque supplicantes,
Pro me solvas a peccatis
More tuae pietatis.
Puram da contritionem,

100. Veram his confessionem
Facque eos manducare
Corpus tuum salutare.
Coeli vox auditur clara:
Veni, pulchra, veni cara,

105. Veni, veni, martyr pura,
Veni, semper regnatura,
Veni, his, pro quis rogasti,
Multa bona impetrasti.
In hoc capite truncaris

110. Et a Christo sublevans
Ad superna coeli regna,
Ubi virgo nos commenda
Sponso tuo, ut sequamur
Atque coelis invehamur,

115. Tecum semper gavisuri,
Deo laudes canituri.