162 Acta Apostolicae Sedis - Commentarium Officiale

gimus oneribus et obligationibus, quibus ceterae Metropolitanae Eccle-

siae earumque Praesules iure communi adstringuntur. Insuper dioece-

sim Gaudisiensem, hactenus Sanctae Sedi immediate subiectam, suffra-

ganeam constituimus novae huic Metropolitanae Ecclesiae Melitensi; et

eius pro tempore Episcopos metropolitico Archiepiscopi Melitensis iuri

subiicimus. Statuimus insuper ut Ecclesiae Melitensis et Gaudisiensis

novam posthac efforment provinciam ecclesiasticam, quae Melitensis nun-

cupantur. Demum Capitulum Cathedrale Melitensis Ecclesiae ad Me-

tropolitani Capituli gradum et dignitatem extollimus cum omnibus iu-

ribus et privilegiis, honoribus et insignibus, nec non oneribus et Obliga-

tionibus, quae ceteris Capitulis Metropolitanis sunt propria. Ad quae

omnia, uti supra disposita et constituta, exsecutioni mandanda venera-

bilem Fratrem Michaelem Gonzi, Antistitem Melitensem, delegamus, ei-

que necessarias et opportunas tribuimus facultates, etiam subdelegandi,

ad effectum de quo agitur, quemlibet virum in ecclesiastica dignitate

constitutum, eidemque onus imponimus ad S. Congregationem Consisto-

rialem, cum primum fas erit, authenticum transmittendi peractae exse-

cutionis actorum exemplar. Praesentes autem Litteras et in eis contenta

quaecumque, etiam ex eo quod quilibet quorum intersit vel qui sua in-

teresse praesumant, si specifica quoque et individua digni sint mentione,

auditi non fuerint, vel praemissis non consenserint, nullo unquam tem-

pore de subreptionis vel obreptionis aut nullitatis vitio, seu intentionis

Nostrae, vel quolibet alio, licet substantiali et inexcogitato, defectu no-

tari, impugnari vel in controversiam vocari posse, sed eas tamquam ex

certa scientia ac potestatis plenitudine factas et emanatas, perpetuo vali-

das exsistere et fore suosque plenarios et integros effectus sortiri et ob-

tinere atque ab omnibus ad quos spectat inviolabiliter observari debere,

et, si secus super his a quocumque, quavis auctoritate, scienter vel igno-

ranter contigerit attentari, irritum prorsus et inane esse et fore volu-

mus ac decernimus; non obstantibus, quatenus opus sit, regulis in syno-

dalibus, provincialibus, generalibus universalibusque^Conciliis editis, ge-

neralibus vel specialibus Constitutionibus et Ordinationibus Apostolicis

et quibusvis aliis Romanorum Pontificum, Praedecessorum Nostrorum,,

dispositionibus ceterisque contrariis, etiam speciali mentione dignis, qui-

bus omnibus per praesentes derogamus. Volumus autem ut harum Lit-

terarum transumptis, etiam impressis, manu tamen alicuius notarii pu-

blici subscriptis et sigillo viri in ecclesiastica dignitate vel officio consti-

tuti munitis, eadem prorsus tribuatur fides, quae hisce Litteris tribue-

retur, si ipsaemet exhibitae vel ostensae forent. Nemini autem hanc pa-

ginam evectionis, constitutionis, subiectionis, statuti, mandati, decreti,