i&i A L L O C A

spectaculum fuerunt mundo, et Angelis et hominibus. Agnö- vscebamus Nos quidem et publica cum commendatione, ut nostis, declarare non omisimus in Allocutione ad Vos habita die 12 elapsi Martii, Catholicum populum universum Nobis et huic Apostolicae Cathedrae esse devinctissimum; sed hoc ipsum Fideles ita splendidis nuper indiciis, omnibusque modis palam publiceque ostendere et confirmare voluerunt, ut quae ad eorum laudem pertinebant in magnam admirationem prorsus converterint, et gloriam Deo tribuentes, Nos iucundissima consolatione perfuderint. In «omni enim paene mundi regione ille dies divinae erga Nos benignitatis et miserationis a po- pulo Dei publicis letitiae et religionis significationibus cele- bratus est, undique ad nos litterae allatae sunt plenae filialis affectus , plenae doloris, ob iniquum bellum cui obnoxii su- mus, quasi tum primum post longa intervalla filiorum vox compressa erupisset : ipsi etiam catholicarum nationum re- ctores , aliique principes viri et foeminae non solum amplis- sima nobilitate, sed regali etiam sanguine spectabiles, suae Nobis devinctae voluntatis officia exhibuerunt, luculenter ostendentes suum religiosum studium ab aliorum pietate non vinci. Frequentia autem ac multitudo Fidelium ex omni lingua populo et natione, ex omni ordine aetate et sexu, qui prae- euntibus Pastoribus suis, peregrinatione suscepta, ex remo- tissimis etiam regionibus ad nos venerunt, fide et amore eorum animos inter tot cuiusque generis incommoda sustentante, comperta est Vobis Venerabiles Fratres, qui tantam vim di- lectionis admirantes de ea, in Vestrae gratulationis officio apud Nos amanter implendo, glorificastis Deum, et super ipso divinarum gratiarum largitatem votis vestris implorastis. Vos enim vidistis confertissima agmina ad has aedes Nostras ita In dies singulos coufluentia , ut satis ostenderent quam cu- perent diuturnum desiderium Patris sui conspiciendi et allo- quendi explere, vidistis amantissimus filios voces Nostras cu- pidissime haurire, et suis protestat iones ac obsequii signi- ficationibus quas lacrimae interdum interrumpebant in persona humilitatis Nostrae Vicariam Christi potestatem venerari, atque