162 CREMONEN.

Pontifex Nicolaus V benigne annuit per Bullam « Inter universa » anni 1451 decernens quatenus « in aliquo eiusdem civitatis loco congruo, et honesto unum Hospitale cum Ora- torio, sive cappella, domibus, cimiterio, aliisque necessariis officinis sub vocabulo Beatae Mariae Virginis de Pietate ad instar, et similitudinem Floren, et Senen. Hospitalium praedictorum, seu alias prout magis eidem Communitati, et Civibus placuerit, de bonis propriis fundandi, et construendis seu fundari, et construi faciendi, Dioecesani loci, et cuius- libet alterius desuper licentia nullatenus requisita, plenam, et liberam licentiam pariter, et facultatem elargiri Quodque Communitas, et Cives praedicti in electione depu- tandorum ipsique deputandi, in eiusdem fundandi Hospitalis, illiusque bonorum, ac pauperum Regimine, et Gubernatione, privilegiis, statutis, et consuetudinibus alterius ex Floren, et Senen. Hospitalibus praefatis, seu cuiuslibet ipsorum uti, et gaudere, nec non quaecumque incerta, et male oblata, ac pauperibus Christi, et ad pias causas, legatariis, seu lo- cis non expressis, legata, quae in civitate, et dioecesi prae- dictis infra tempus a iure statutum debite executioni hactenus demandata non fuerunt, petere, exigere, recipere ac in con- structionem, et fabricam huiusmodi convertere libere, et licite possint, et valeant concedere, et indulgere auctoritate nostra ».

Hac fruens institutione Hospitale magis in dies auge- scebat, donec ob nimis auctum infirmorum numerum sub anno 1750, quia Coemeterium et Oratorium intra Hospita- lis septa constructa, non amplius novis necessitatibus suf- ficiebant, alia Ecclesia sub titulo S. Facii et appositum coe- meterium in quodam fundo Pii Loci extructa fuerunt e fronte veteris aedificii, sed ab eodem per interiectam publi- cam viam, vulgo dei F oppone seiuncta. Haec nova Ecclesia iam saecularium discordiarum fuit seminarium, prouti modo praesentis quaestionis est obiectum.

Nam in primis parochus s. Prosperi et s. Sepulchri, in cuius territorio s. Facii Ecclesia fuerat fundata, coepit sibi in eamdem ecclesiam vindicare parochialem iurisdi-