158. De sancta Agnete.

la. Caeli regem prosequentes
Laudant nuptum nescientes,
Singulare concinentes
Melos ac tripudia.

1b. Gratulentur et vincentes
Collaudando taetras gentes
Per torporem ingerentes
Menti multa vitia.

2 a. Super Christum in amove,
Commendatum pro decore,
Se fundando miro more
Agnes agnum sequitur.

2b. Flagrat vultus ex candore,
Rubent genae ex cruore,
Cor perversi prae dolore
Pro contemptu pungitur.

3 a. Paupertatis norma recta
Sic pollebat, dum despecta
Stulti dona nec accepta
Sunt gemmarum milia.

3 b. Praecursoris, quem monstravit,
Agnes agnum imploravit
Unum proque se sacravit
[Caeli] propter praemia.

4 a. Gestis nomen non discordat,
Hostem sponso dum concordat,
Prece vitae quem recordat
Stratum inter funera.

4b. Fidem laudans Christianam
. . vestem Romanam

Cum puella spernit vanam,
Cultus probrans scelera.

5 a. Spe fraudata decumbenti,
Pro amore saevienti,
Luce cadit inruenti,
Praefocator affuit.

5 b. Hic electam Christi gentem
Probatmortesurgens, mentem
Paganorum pestilentem
Refrenari voluit.

6 a. Iam depulso patre tristi
Igni dant furentes isti
Hanc amictam veste Christi,
Quam de caelo possidet ;

6b. Ubi suos incensores

Ignis torquet [per] dolores,
Cum pro Christo sparsit rores,
Et illaesa residet.

7 a. O triumphans benedicta,
Ense collo sacro licta,
Cura menti nunc inflicta
Prece, virgo, vulneras

7 b. Et pastorem mox secuta
Mente munda sic soluta,
De terrore duc ad tuta
Kegna regis, aethera.