166.

1. Universalis ecclesia

Congaudeat his temporibus
Cum angelis sic canentibus:
R Eja, eja, eja,

Eja, alleluja,
Deo in excelsis gloria
Et in terra pax hominibus.

Sus, vala, sus,

Vala, sus, vala, sussin,

o risus, vala, sussin,

sussin, sussin,

sussin, o risus,
Requiescat iste parvulus.

2. Auscultate nova gaudia,
Dicit angelus pastoribus
Super gregem vigilantibus:

3. Qui delebit mundi vitia,
Est in Bethlehem infantulus,
Dei patris unigenitus.

4. Jacet hic a matre Maria
Solus in praesepe positus,
Pannis involutus vilibus.

5. Sed Joseph et animalia,
Bina quae sunt, bos et asinus,
Serviunt ei cum genibus.

6. Haec invenietis omnia,
Properate vestris gressibus
Devotis laudando mentibus.
R Eja, eja, eja,
Eja, alleluja,
Deo in excelsis gloria
Et in terra pax hominibus,
Sus, vala, sus,
Vala, sus, vala, sussin
o risus, vala, sussin,
sussin, sussin,
sussin, o risus,
Requiescat iste parvulus.

7, Contra jura naturalia
Oritur salus credentibus
Cunctis physicis stupentibus.

8. O magna Dei clementia,
Quod rex regum potentissimus
Nasci dignatus est servulus.

9. Inde benedicta, domina,
Semper es in mulieribus,
Praebe veniam proscentibus.

10. Natus tuus, coeli regina,
Donet nobis suis servulis
Conregnare sanctis omnibus.