151. De Omnibus Sanctis.

1. In hoc sacro sollemnio
Anni versante circulo
Exsultemus et laetemur
Omnes cum tripudio.

2. Rogitantes Iesum pium
Almae virginis filium,
Ut de lacu miseriae
Nos absolvat hodie.

3. O Maria, virgo dia,
Mater et dulcis filia,
Tu fac nobis propitium
Tuum unigenitum.

4. Vos angeli, patriarchae,
Vos quoque, sancti prophetae,
Vos apostoli, martyres,
Lucidi confessores,

5. Virgines nec non viduae,
Vos precamur assidue,
Ut per vestra precamina
Luantur peccamina.

6. Omnes sancti et electi
Dominoque praedilecti,
Soliicitate Dominum
Totisque precaminum,

7. Utque per hanc miseriam
Peccati lustrans scoriam,
Mortalem tollens tunicam
Det vitam sempiternam.

R Eia, hagie,

Iesu Christe pie,
Christe, rex gloriae,
Tu riga nos,
Caelorum ros,
Virginis flos,
Salva nos.