QUAESTIO I.

Utrum anima Adae fuit creata in corpore ?

Alens. 2. part. quaest. 60. membro I. et 2. D. Thomas I. part. quaest. 75. ori. I. et quasi. 90. art. 4. D. Bonavent. dist. 16. art. 1. quaest. 2. et hic art. I. quaest. I. Gabr. quaest. I. Pererius in Genes. lib. 4. cap . 2. v . 7. quaest. 4. Scot. in Oxon . hic.

Videtur quod non. Eadem factione fit compositum, et forma in materia. quia forma non fit in materia, nisi per accidens, quia totum fit per se, ex 7. Metaphys. text. 22. et21. ubi Philosophus, quod nec forma fit per se, nec materia, sed totum compositum ; anima autem est forma corporis, et ipsum compositum, scilicet Adam, non fuit creatum, imo corpus factum de limo terrae ; ergo nec anima ejus, etc.

Item, cujus est per se esse, ejus est fieri per se ; sed anima non per se est in corpore, quia sic non esset pars ; igitur nec ejus fieri fuit per se, quia fieri est via ad esse.

Contra, Magister in littera cap. 1. dicit animam Adae fuisse creatam in corpore exponendo illud Genes. primo : Inspiravit in faciem ejus spiraculum vitae, hoc est, animam in corpore creando. Quaedam opinio haeretica ponitur in littera c. 1. quod Deus creavit hominem de substantia sua, propter hoc quod dicit inspiravit, sive insufflavit. Flatus dicitur esse de substantia stantis. Unde dicitur Joan. 20. de Christo quod in sufflavit in discipulos, dando Spiritum sanctum.

Sed illud non habet apparentiam veritatis, non enim concipit perfecte Deum, qui concipit ipsum esse divisibilem ; sed si anima esset creata de substantia Dei, oportet substantiam Dei, vel animam esse Deum ; sed Deus non est perfectio inhaerens alicui, ut forma, et sic anima non esset forma corporis.

Item, anima permutatur ab ignorantia ad scientiam, a vitiis ad viri tutes ; nullus autem concipit Deum esse mutabilem.