164 Acta Apostolicae Sedis. - Commentarium Officiale.

SACRA ROMANA ROTA

ARGENT1NEN.

N U L L I T A T I S M A T R I M O N I I ( W A R T H E R - V I E K E B S H E I M E R ) .

Pio PP. X feliciter regnante, Pontificatus Dominationis Suae anno

nono, die 10 iulii 1912, BR. PP. DD. Fridericus Cattani, Ponens, Antonius

Perathoner et Iosephus Alberti, Auditores de turno, in causa Argentinen. -

Nullitatis matrimonii (instantepro appellatione adversus sententiam Curiae

Argentinensis, diei 13 novembris 1909, defensore matrimonii ex officio) inter

Àemiliam Warther , repraesentatam per legitimum procuratorem advoca-

tum Ioachim Antonelli-Costaggini, et Fridericum Wiekersheimer, contuma-

cem, interveniente et disceptante in causa vinculi defensore ex officio apud

hoc S. Tribunal; sequentem definitivam tulerunt sententiam.

Aemilia Warther, na ta die 28 augusti 1878, Daileunden in urbe, quum

in loco Bischleim, prope urbem Argentinensem, una cum matre mora-*

retur, ibi Fridericum Wiekersheimer novit, virum protestanticae sectae

addictum ac moribus pessimum. Quamvis Aemilia nul lum erga eum

foveret amorem, tamen propter nimiam suae familiae egestatem, sua-

dente matre et sorore, ei se nupturam promisit, apposita conditione, ut

matr imonium in templo catholico, coram suo parocho, celebraretur; quod

ille promisit . Interim ab Aemilia dispensatio ab impedimento mixtae

religionis petitur. Die vero pro civili contractu statuta, vertente anno 1899,

Fridericus et Aemilia coram laico magistratu stiterunt, et iuxta legem

adstipulati sunt. Postea apud sponsae matrem coenatum eunt, quae

virum apertissime monet, non adhuc posse cum sua fi l ia coire, quia

matr imonium nondum celebrarunt ; quare vir domum suam abiit. Die

postera tamen rediit, ut Aemiliam secum duceret. Tunc Aemilia ei in

memoriam revocavit , se velle coram suo parocho matr imonium in

templo catholico celebrare. Fridericus e contra coram suo ministello,

in lu therana ecclesia S. Aureliae, illud celebrare proposui t ; renuit acer-

r ime Aemilia, et ideo u t r inque dissensio exorta est, quae toto itinere

perduravit , usque dum currus Grüneberg pervenit, quem locum Fride-

ricus incolebat, ubi nuptiale p rand ium paraverat . Aemilia moerens con-

vivio consedit, adstant ibus mat re et sorore sua, necnon Friderici consan-

guineis. At parum cum Friderico est locuta, et pr iusquam convivium ad