164 Acta Apostolicae Sedis - Commentarium Officiale

societates naviculariique omnes ex italica ditione Nos enixe rogaverunt

ut Sanctum Franciscum de Paula eorum coelestem Patronum apud

Deum statuere dignemur; quam instantibus quoque verbis tum Viri Prin-

cipes e Sabaudiae Domo et Sanctae Romanae Ecclesiae Cardinalis la-

nuensium Archiepiscopus, tum sive Archiepiscopus Castrensis pro Ita-

lia Ordinarius sive Ordinis Minimorum Generalis Corrector, tum de-

nique civiles Italici Rectores suffragiis suis amplissimis preces easdem

auxerint. Sanctum enim Franciscum de Paula, Confessorem, qui Ordi-

nis Minimorum institutor exstitit et virtutibus miraculisque clarus a

Decessore Nostro Leone Pp. decimo in Sanctorum numerum adscriptus

est, iugiter Italici litoris homines maritimi magna devotione venerati

sunt, cum ipsamet Thaumaturgi vita prodigiis in mari expletis ac saepe

pro nautarum utilitate plena sit; cumque postea navigatores invoca-

verint atque experti sint validam eiusdem Sancti protectionem periculis

in suis, sicut ex donariis ipsis votivis praesertim colligi potest, quibus

ianuense templum-sanctuarium, ob suam «campanam maris» abhinc

paucos annos sollemniter benedictam, omnibus e Tyrrhenis oris notum,

exornatur. Quapropter cum opportunum Nobis videatur hac ipsa die,

sexto nempe Kalendas Aprilis, qua anno salutis millesimo quadringen-

tesimo sexto decimo idem Sanctus thaumaturgus in Calabria natus

est, postulationibus ipsis annuere, audito quoque Venerabili Fratre

Nostro Sanctae Romanae Ecclesiae Cardinali Episcopo Praenestino,

Sacrae Rituum Congregationis praefecto, praesentium Litterarum te-

nore deque Apostolicae Nostrae potestatis plenitudine perpetuumque

in modum, Sanctum Franciscum de Paula, Confessorem, peculiarem

Universitatum maritimae gentis curis praepositarum, navigationis So-

cietatum naviculariorumque omnium Italici Regni coelestem apud Deum

Patronum ultro libenterque constituimus et confirmamus. Contrariis

non obstantibus quibuslibet. Haec benigne statuimus, decernentes pre-

sentes Litteras firmas, validas atque efficaces iugiter exstare ac per-

manere; suosque plenos atque integros effectus sortiri et obtinere; illis-

que ad quos pertinent seu pertinere poterunt, nunc et in posterum ple-

nissime suffragari; sicque rite iudicandum esse ac definiendum, irritum-

que ex nunc et inane fieri si quidquam secus, super his, a quovis, scien-

ter sive ignoranter, attentari contingerit.

Datum Romae apud Sanctum Petrum, sub anulo Piscatoris, die

X X V I I mensis Martii, anno M C M X X X X I I I , Pontificatus Nostri quinto.

A. Card. MAGLIONE, a Secretis Status.