164 CALARITANA

omnibus innotuit. Facta autem quae huiusmodi simultati- bus occasionem praebuerunt duo ab oratore enumerantur. Nimirum quia ad praescripta dioecesanae Synodi exorcismos baptizandorum prope Ecclesiae ianuam recitaret, et quia si- gna diversa aeris campani pro diversitate funerum exequi mandaret ; quae profecto minime reprobanda videntur. Acce- dit infensum animum erga parochum gessisse solummodo aliquos ex infima plebe, qui facile forsan coerceri potuissent, et ex quibus nonnullis veniam deinde a sacerdote Daniele de irrogata iniuria petiisse dicuntur.

Ad tertium deveniens probare nititur, electionem cano- nici poenitentiarii factam anxio 1887 iustitiae et canonicis sanctionibus aperte adversari. Ait enim, electum, quem iam capitulum ante concursum designaverat, sive in thesi evol- venda, sive in concione recitanda conditionibus a iure requi- sitis aliisque a capitulo appositis minime satisfecisse. Quae omnia et ipsi Archiepiscopo ita abnormia visa sunt, ut absoluto concursu, iuxta sacerdotem Danielem,.rem totam S. Sedi remit- tendam esse autumaverit. Hoc autem, dicit, quod in civitate Calari tana notum omnibus est, etiam S. C. C. apertum erit si acta concursus quae in tabulario ecclesiae metropolitanae servantur ad se revocare velit. Putat igitur se nonnisi Or- dinarii et Capituli privatis simultatibus fuisse posthabitum atque iniuria prorsus electionem alterius peractam.

Praeterea Sacerdos Daniel cum ex amissione paroeciae et suspensione a divinis gravia damna perferre debuerit, quae sibi imputanda haud videntur, horum omnium emendationem seu compensationem a S. C. C. efflagitat.

DEFENSIO ORDINARII . Verum ex adverso scitum est ad renuntiationis validitatem tria apud Doctores requiri; nempe quod sit spontanea, quod sit a legitimo superiore acceptata et quod ex causa fiat; Reiffenstuel tit. de renunc. sect. 1. num. i.

Sane in casu spontaneam paroeciae renuntiationem fuisse, nec ipse sacerdos Daniel inficiatur. Conditionis vero melioris paroeciae assequendae et consequentis Archiepiscopi promis-