168.

1. Hac in anni janua,

Hoc in Jauuario
Tendamus ad ardua

Virtutum subsidio,
Gaudia sunt mutua

Muto facto vitio,
Reproborum fatua

Reprobetur actio.

2. Anni novi novitas

Novas leges afferens
Sequi vetat vetitas

Vetustatem auferens,
Probos probet probitas

Probis proba conferens,
Conteratur pravitas

Probitatem conterens.

3. O felices nuptiae,

O felix humanitas,
Cui nubit hodie

Filii divinitas,
Hinc divinae gloriae

Non decrescit quantitas,
Sed ad gradum gratiae

Nostra crescit parvitas.

4. Nostris lumen tenebris

Dat lumen de lumine,
Primae culpae funebris

Exclusa caligine,
De luce lux celebris

Nascitur de virgine,
Non carnis illecebris,

Sed divino flamine.

5. Carnis circumcisio

Mysteriis vacua
Non fuit in filio,

Per quam nobis congrua
Datur demonstratio,

Tollere superflua
Circumciso vitio

Hac in anni janua.