PRAECEDENTIAE 165

Quin relevet per legem ammortizzationis a gubernio latam anno 1780 suppressam fuisse : suppressio enim huiusmodi ni- hili facienda est, utpote quae a non habente competentem au- ctoritatem processit, ideoque iuridica existentia Confraternitatis s. Mariae nullimode interrupta dicenda videtur , quamvis per praefatam laicam legem coacta fuerit regium assensum expo- scere, et illum non obtinuerit nisi die 7 Ianuarii 1777.

Ast dato et nunquam concesso, quod rite et recte suppressa fuerit, causa et conditio Confraternitatis ss.Sacramenti nullum persentiret levamen, cum eiusdem erectio obvenerit tantum die 8Augusti anni 1777,scilicet post varios menses a reditu in pristinum statum Sodalitatis Beatae Virginis Dolorosae, quae iterum excitata fuit Reali decreto die 17 Novembris 1776 edito, etsi publicato die 7 Ianuarii 1778, cum in decreto fuerit provisum ut ipsa iuri- dicam existentiam habere deberet a die emanationis realis as- sensus. Iamvero canonistae omnes, unanimi ferme consensione tenent praecedentiam deberi cui maior praeeminentia dignitatis vel gradus competit; deberi ei cui favet prioritas temporis inter aequali dignitate vel gradu condecóralos. Cum igitur Confraterni- tas s. Mariae habeat anterioritatem temporis, sive quoad erectio- nem, sive quoad reditum in pristinum statum, eidem omnino com- petit praecedentia super Confraternita te ss. Sacramenti. Eo vel ma- gis quia eamet suppressa mansit de anno 1846 et non per legem generalem, sed per indebitam pecuniae appropriationem, fuitque solummodo restituta in pristinum anno 1854.

Postremo loco contendit orator praecedentiam deberi digniori prae minus dignis; in themate autem digniorem habendam esse Confraternitatem s. Mariae, utpote Archiconfraternitatis titulo decoratam. Hoc autem ut probet, in defectu rescripti originalis, quo privilegium huiusmodi a Rege concessum fuit in vim con- cordati, copiam affert eiusdem, quae apud publicum Notarium asservatur, quaeque datum habet diei 7 Iulii 1777, ac insuper auctoritatem invocat Archiepiscopi Zunica, qui in rescripto con- firmationis privilegii Sodalitium appellat Archiconfraternitatem.

Hisce utrinque perpensis , Emis iudicibus remissum fuit

decernere quonam responso dimittendum esset